அஜித்தின் 'விடாமுயற்சி' படப்பிடிப்பு அக்டோபரில் இல்லை.. லேட்டஸ்ட் தகவல்..!
- IndiaGlitz, [Monday,September 11 2023]
அஜித்தின் ’விடாமுயற்சி’ படத்தின் படப்பிடிப்பு அக்டோபர் முதல் வாரத்தில் தொடங்கும் என்று கூறப்பட்ட நிலையில் தற்போது அதற்கு முன்பே தொடங்க வாய்ப்பு இருப்பதாக தகவல் வெளியாகியுள்ளது. அதாவது செப்டம்பர் இறுதி வாரத்தில் ’விடாமுயற்சி’ படத்தின் படப்பிடிப்பு தொடங்க இருப்பதாகவும் முதல் கட்ட படப்பிடிப்பு அபுதாபியில் தொடங்க இருப்பதாக கூறப்படுகிறது.
மேலும் இந்த படத்தின் 70% படப்பிடிப்பு வெளிநாட்டில் படமாக்கப்பட இருப்பதாகவும் மீதமுள்ள காட்சிகள் வட இந்தியா மற்றும் சென்னையில் படமாக்க இருப்பதாகவும் கூறப்படுகிறது. தற்போது லொகேஷன் பார்க்கும் பணிகள் கிட்டத்தட்ட முடிவடைந்து விட்டதாகவும், படப்பிடிப்புக்கு தற்போது தயார் நிலையில் படக்குழுவினர் இருப்பதாகவும் கூறப்படுகிறது. எனவே எதிர்பார்த்ததை விட முன்கூட்டியே ’விடாமுயற்சி’ படத்தின் படப்பிடிப்பை தொடங்க இருப்பதாக கூறப்படுவது அஜித் ரசிகர்களுக்கு மகிழ்ச்சியை ஏற்படுத்தி உள்ளது.
மகிழ் திருமேனி இயக்கத்தில் அஜித், த்ரிஷா நடிப்பில் உருவாக இருக்கும் இந்த படத்திற்கு அனிருத் இசையமைக்க உள்ளார் என்பதும் இந்த படத்தை பிரமாண்டமாக லைகா நிறுவனம் தயாரிக்க உள்ளது என்பது குறிப்பிடத்தக்கது.