அஜித் நடிப்பில் மகிழ் இயக்கத்தில் இயக்கத்தில், லைக்கா நிறுவனத்தின் தயாரிப்பில் உருவாகயிருக்கும் ’விடாமுயற்சி’ படத்தின் படப்பிடிப்பு அடுத்த மாதம் தொடங்க இருப்பதாக தகவல் வெளியாகியுள்ளது

அஜித் தற்போது வெளிநாட்டு சுற்றுப் பயணத்தை முடித்துவிட்டு சென்னை திரும்பி விட்டதால் அவர் விரைவில் படப்பிடிப்பில் கலந்து கொள்வார் என்றும் கூறப்படுகிறது.

இந்த நிலையில் இந்த படத்தில் அஜித் ஜோடியாக த்ரிஷா நடிப்பார் என்று கூறப்பட்ட நிலையில் தற்போது அதில் மாற்றம் ஏற்பட்டு விட்டதாக கூறப்படுகிறது. அஜித் ஜோடியாக ’விடாமுயற்சி’ திரைப்படத்தில் தமன்னாவை நடிக்க வைக்க பேச்சுவார்த்தை நடைபெற்று வருவதாகவும் விரைவில் இது குறித்த உறுதி செய்யப்பட்ட தகவல் வெளியாகும் என்றும் கூறப்படுகிறது.

கடந்த 2014 ஆம் ஆண்டு அஜீத் நடித்த ’வீரம்’ என்ற திரைப்படத்தில் நாயகியாக நடித்த தமன்னா 9 ஆண்டுகளுக்கு பிறகு மீண்டும் அஜித் உடன் நடிக்க இருக்கிறார் என்பது குறிப்பிடத்தக்கது.

சமீபத்தில் ரஜினியின் ‘ஜெயிலர்’ திரைப்படத்தில் தமன்னாவின் ‘காவாலா’ என்ற பாடல் சூப்பர் ஹிட் ஆகியதே, ‘விடாமுயற்சி’ படத்தில் அவருக்கு வாய்ப்பு கிடைக்க காரணம் என்றும் கூறப்படுகிறது.