அஜித் நடித்து வரும் ‘விடாமுயற்சி’ படத்தின் அடுத்தகட்ட படப்பிடிப்பு விரைவில் தொடங்க இருப்பதாக கூறப்பட்ட நிலையில் மே 10ஆம் தேதி முதல் அவர் நடிக்கும் அடுத்த படமான ’குட் பேட் அக்லி’ படத்தின் படப்பிடிப்பு தொடங்க இருப்பதாக செய்திகள் வெளியானது.

இந்த நிலையில் தற்போது வந்துள்ள தகவல் படி அஜித் முதலில் ’ விடாமுயற்சி’ படத்தின் படப்பிடிப்புக்கு தான் செல்ல போவதாகவும் ’குட் பேட் அக்லி’ படத்தில் அஜித் இல்லாத காட்சிகளை படமாக்க ஆதிக் ரவிச்சந்திரன் திட்டமிட்டுள்ளதாகவும் தெரிகிறது.

’குட் பேட் அக்லி’ படத்தின் படப்பிடிப்பு ஜூன் மாதம் தொடங்கும் என்று கூறப்பட்ட நிலையில் திட்டமிடப்பட்டதற்கு முன்பே மே 10ஆம் தேதி இந்த படத்தின் படப்பிடிப்பு தொடங்க இருப்பதாகவும் ஹைதராபாத்தில் உள்ள ராமோஜிராவ் பிலிம் சிட்டியில் அஜித் இல்லாத மற்ற நடிகர்களின் காட்சிகளை படமாக்க ஆதித் திட்டமிட்டுள்ளதாகவும் தெரிகிறது.

இந்த நிலையில் இன்னும் ஒரு சில நாட்களில் ’விடாமுயற்சி’ படப்பிடிப்புக்கு செல்லும் அஜித் அந்த படத்தின் படப்பிடிப்பை முடித்துவிட்டு ஜூன் மாதத்தில் தான் ’குட் பேட் அக்லி’ படத்தின் படப்பிடிப்பில் கலந்து கொள்வார் என்று எதிர்பார்க்கப்படுகிறது.

மைத்ரி மூவி மேக்கர்ஸ் நிறுவனத்தின் பிரம்மாண்டமான தயாரிப்பில் உருவாக இருக்கும் இந்த படத்தில் நடிக்கும் நாயகி உட்பட மற்ற நட்சத்திரங்கள் குறித்த அறிவிப்பு விரைவில் வெளியாகும் என்று எதிர்பார்க்கப்படுகிறது.