அஜித் நடிப்பில் எச் வினோத் இயக்கத்தில் போனி கபூர் தயாரிப்பில் உருவாகவிருக்கும் ’வலிமை’ திரைப்படத்தின் அறிவிப்பு கடந்த சில மாதங்களுக்கு முன்னரே வெளிவந்த போதிலும் இந்த படத்தின் படப்பிடிப்பு இன்று முதல் தொடங்கியுள்ளது

ஹைதராபாத்தில் உள்ள ராமோஜிராவ் பிலிம் சிட்டியில் இந்தப் படத்தின் படப்பிடிப்பு இன்று தொடங்கி விட்டதாகவும் முதல் நாளில் அஜித்தும் சில வில்லன் நடிகர்கள் மோதும் ஆக்சன் காட்சிகள் படமாகபட்டதாகவும் செய்திகள் வெளியாகி உள்ளது

மேலும் இந்த படத்தின் படப்பிடிப்பில் கலந்து கொள்பவர்களுக்கும் மொபைல் போன் அனுமதி இல்லை என்றும் இந்த படத்தில் அஜித்தின் கெட்அப் எந்த விதத்திலும் வெளியே தெரிந்து விடக்கூடாது என்பதில் படக்குழுவினர் கவனமாக இருப்பதாகவும் கூறப்படுகிறது ‘வலிமை’ படத்தில் அஜித்துக்கு ஜோடியாக இலியானா அல்லது யாமி கவுதம் நடிக்க வாய்ப்பு இருப்பதாகவும் இது குறித்த பேச்சுவார்த்தை இறுதிக்கட்டத்தில் இருப்பதாகவும் தெரிகிறது. யுவன் சங்கர் ராஜா இசையில் உருவாகும் இந்தப் படம் அடுத்த ஆண்டு தீபாவளிக்கு வெளியாகும் என்று எதிர்பார்க்கப்படுகிறது