அஜித் நடித்த ‘வலிமை’ திரைப்படம் இன்று உலகம் முழுவதும் பிரமாண்டமாக ரிலீஸ் ஆகியுள்ள நிலையில் சென்னையில் தயாரிப்பாளர் போனிகபூர் உள்பட படக்குழுவினர் படம் பார்த்த புகைப்படங்கள் வைரல் ஆகி வருகின்றன.

சென்னை உள்பட பெருநகரங்களில் ‘வலிமை’ திரைப்படம் அதிகாலை 4:00 மணி காட்சி திரையிடப்பட்டது. சென்னை ரோகிணி திரையரங்கில் ‘வலிமை’ படத்தின் தயாரிப்பாளர் போனி கபூர், ‘வலிமை’ படத்தின் நாயகி ஹூமா குரேஷி, வில்லன் கார்த்திகேயா உள்பட படக்குழுவினர் படம் பார்த்தனர். இது குறித்த புகைப்படங்கள் இணையதளங்களில் வைரலாகி வருகின்றன.

முன்னதாக ‘வலிமை’ திரைப்படம் பார்க்க வந்த போனி கபூருக்கு அஜித் ரசிகர்கள் மிகச் சிறப்பான முறையில் வரவேற்றனர். இந்த நிலையில் முதல் நாள் முதல் காட்சி முடிவடைந்த நிலையில் ‘வலிமை’ பற்றி ஏகப்பட்ட பாசிட்டிவ் விமர்சனங்கள் குவிந்து வருகிறது என்பது குறிப்பிடத்தக்கது.