சூப்பர் ஸ்டார் ரஜினிகாந்த் நடித்த ’அண்ணாத்த’ திரைப்படம் வரும் தீபாவளி அன்று வெளியாகும் என்று ஏற்கனவே அதிகாரபூர்வமாக அறிவிக்கப்பட்ட நிலையில் அஜித்தின் ‘வலிமை’ திரைப்படமும் தீபாவளி அன்றுதான் வெளியாகும் என்றும் ’பேட்ட’, ’விஸ்வாசம்’ படங்களை எடுத்து மீண்டும் ரஜினி, அஜித் படங்கள் மோத இருப்பதாகவும் கோலிவுட் வட்டாரங்கள் கூறி வருகின்றன

ஆனால் சன் பிக்சர்ஸ் நிறுவனம் ’அண்ணாத்த’ திரைப்படத்தை சோலோவாக தீபாவளி அன்று ரிலீஸ் செய்ய வேண்டுமென திட்டமிட்டு இருப்பதாகவும் எனவே ‘வலிமை’ படத்தின் ரிலீஸ் தேதி மாற்றியமைக்கவிருப்பதாகவும் கூறப்படுகிறது.

இதனை அடுத்து ’அண்ணாத்த’ படத்திற்கு முன்பே ‘வலிமை’ ரிலீஸ் ஆகும் என்றும், அனேகமாக அக்டோபர் 13ஆம் தேதி ஆயுதபூஜை விடுமுறையை நேரத்தில் ‘வலிமை’ திரைப்படம் வெளியாக அதிக வாய்ப்பு இருப்பதாகவும் இது குறித்த அறிவிப்பு விரைவில் வெளியாகும் என்றும் கூறப்படுகிறது

கடந்தமுறை அஜித்தின் ’விஸ்வாசம்’ மற்றும் ரஜினியின் ’பேட்ட’ ஆகிய படங்கள் மோதியதில் ’பேட்ட’ திரைப்படத்தை விட ’விஸ்வாசம்’ திரைப்படத்தின் வசூல் முந்தியது என்று செய்திகள் வெளியானது. ஆனால் இந்த முறை ரிலீஸில் ரஜினி படத்தை அஜித் திரைப்படம் முந்துகிறது என்று கூறப்படுகிறது.