அஜித் நடித்த ‘வலிமை’ படத்தின் டிரைலர் நேற்று வெளியாகி மிகப்பெரிய வரவேற்பை பெற்றுள்ள நிலையில் தற்போது இந்த படத்தின் ரன்னிங் டைம் குறித்த தகவல் கசிந்துள்ளது

அஜித் நடிப்பில், வினோத் இயக்கத்தில், யுவன் சங்கர் ராஜா இசையில், போனி கபூர் தயாரிப்பில் உருவாகியுள்ள திரைப்படம் ‘வலிமை’. இந்த படத்தின் படப்பிடிப்பு மற்றும் போஸ்ட் புரொடக்ஷன் பணிகள் முடிந்து வரும் பொங்கல் தினத்தில் உலகம் முழுவதும் பிரமாண்டமாக ரிலீஸாகவுள்ளது என்பது குறிபிடத்தக்கது. 

இந்த நிலையில் இந்த படம் சென்சாருக்கு சென்று உள்ளதாகவும் விரைவில் சென்சார் சான்றிதழ் கிடைக்கும் என்றும் படக்குழுவினர் தரப்பில் இருந்து செய்திகள் வெளியானது. இந்த நிலையில் சற்றுமுன் ‘வலிமை’ படத்துக்கு ’யுஏ’ சான்றிதழ் கிடைத்துள்ளதாகவும் இந்த படத்தின் ரன்னிங் டைம் 2 மணி நேரம் 58 நிமிடங்கள் என்றும் தகவல்கள் வெளியாகிஉள்ளது. மூன்று மணி நேரத்திற்கு 2 நிமிடங்கள் மட்டுமே குறைவு என்பதால் இந்த படத்தின் நீளம் பெரும் ஆச்சரியத்தை ஏற்படுத்தி உள்ளது என்பது குறிப்பிடத்தக்கது. 

ஏற்கனவே சமீபத்தில் வெளியான ‘புஷ்பா’ திரைப்படமும் கிட்டத்தட்ட 3 மணி நேரம் ரன்னிங் டைம் என்பதும், ஜனவரி 7ஆம் தேதி வெளியாக கூடிய ’ஆர்.ஆர்.ஆர். திரைப்படமும் கிட்டத்தட்ட 3 மணி நேரத்திற்கும் மேலான ரன்னிங் டைம் என்பதும் குறிப்பிடத்தக்கது.