'வலிமை' ரிலீஸ் தேதி ஒத்திவைப்பு: அதிகாரபூர்வ அறிவிப்பு!
- IndiaGlitz, [Thursday,January 06 2022]
அஜித் நடித்த ’வலிமை’ திரைப்படம் ஜனவரி 13-ஆம் தேதி உலகம் முழுவதும் வெளியாகும் என அறிவிக்கப்பட்டு அதற்கான பணிகளும் விறுவிறுப்பாக நடைபெற்று வந்தது என்பது குறிப்பிடத்தக்கது.
இந்த நிலையில் தமிழகத்தில் இரவு நேர ஊரடங்கு மற்றும் ஞாயிறு அன்று முழு ஊரடங்கு அமல்படுத்தப்பட்டு உள்ளது என்பதும் அது மட்டுமன்றி இந்தியாவில் உள்ள பல மாநிலங்களில் திரையரங்குகளுக்கு 50% பார்வையாளர்கள் என்ற கட்டுப்பாடு அறிவிக்கப்பட்டதை அடுத்து ’வலிமை’ திரைப்படம் திட்டமிட்டபடி ரிலீஸ் ஆகுமா என்ற சந்தேகம் எழுந்தது என்பது குறிப்பிடத்தக்கது.
இந்த நிலையில் சற்று முன்னர் ’வலிமை’ படக்குழுவினர் வெளியிட்டுள்ள அறிக்கையில் ’வலிமை’ படத்தின் ரிலீஸ் தேதி தள்ளி வைக்கப்பட்டுள்ளதாக அதிகாரப்பூர்வமாக அறிவிக்கப்பட்டுள்ளது. ரசிகர்களின் பாதுகாப்பு மிகவும் முக்கியம் என்பதை கருத்தில் கொண்டு ’வலிமை’ படத்தின் ரிலீஸ் தேதி தள்ளி வைக்கப்படுவதாகவும், விரைவில் திரையரங்குகளில் சந்திப்போம் என்றும் படக்குழுவினர் அறிக்கை வெளியிட்டுள்ளனர். இந்த அறிக்கை தற்போது வைரலாகி வருகிறது என்பது குறிப்பிடத்தக்கது.
— Suresh Chandra (@SureshChandraa) January 6, 2022