அஜித் நடித்த ’வலிமை’ திரைப்படம் கடந்த 24ஆம் தேதி தமிழகம் உள்பட உலகம் முழுவதும் பிரமாண்டமாக திரையரங்குகளில் ரிலீஸ் ஆனது. 100 வருட தமிழ் சினிமா வரலாற்றில் 900 திரையரங்குகளுக்கும் மேலாக தமிழகத்தில் ரிலீஸ் ஆன ஒரே திரைப்படம் என்ற பெருமையை ’வலிமை’ பெற்றது .

இந்த நிலையில் ’வலிமை’ படம் மூன்றே நாட்களில் உலகம் முழுவதும் 100 கோடி ரூபாய் வசூல் செய்ததாக தகவல் வெளியான நிலையில் தற்போது ஐந்து நாட்களில் 150 கோடி ரூபாய் வசூல் செய்துள்ளதாக கூறப்படுகிறது. குறிப்பாக வேலை நாளான நேற்று அதாவது திங்கட்கிழமை மாலை காட்சி மற்றும் இரவு காட்சிகள் பல திரையரங்குகளில் ஹவுஸ்புல் ஆனது.

அஜித்தின் திரைப்படங்களிலேயே 5 நாட்களில் மிக அதிக வசூலைப் பெற்ற திரைப்படம் ’வலிமை’ தான் என்றும் தமிழகத்தில் மட்டும் இந்த படம் 5 நாட்களில் 70 கோடி ரூபாய் வசூல் செய்ததாகவும் கூறப்படுகிறது. ’வலிமை’ திரைப்படத்திற்கு ஏராளமான நெகட்டிவ் விமர்சனங்கள் குவிந்த போதிலும் குடும்ப ஆடியன்ஸ்கள் இந்த படத்தை பார்க்க விரும்பி திரையரங்குக்கு வருவதால் தான் இந்த படத்தின் வசூல் இன்னும் குறையாமல் உள்ளதாக டிரேடிங் வட்டாரங்கள் கூறுகின்றன.