தல அஜித் நடித்த ’வலிமை’ திரைப்படத்தின் படப்பிடிப்பு கிட்டத்தட்ட முடிந்து விட்டது என்பதும் இந்த படத்தின் ஒருசில காட்சிகளின் படப்பிடிப்பிற்காக விரைவில் படக்குழுவினர் வெளிநாடு செல்ல உள்ளதாகவும் வெளிவந்த தகவலை ஏற்கனவே பார்த்தோம்.

இந்த நிலையில் ’வலிமை’ படத்தின் ஃபர்ஸ்ட்லுக் கூட இன்னும் ரிலீஸ் ஆகாத நிலையில் அந்த படத்தின் வியாபாரம் மிகப்பெரிய அளவில் நடந்து முடிந்து விட்டதாக செய்திகள் வெளியாகியுள்ளன. ’வலிமை’ படத்தின் திரையரங்கு உரிமை, சாட்டிலைட் உரிமை, டிஜிட்டல் உரிமை உட்பட கிட்டத்தட்ட அனைத்து வியாபாரங்களும் முடிந்துவிட்டதாக வெளிவந்த செய்தியை ஏற்கனவே பார்த்தோம்.

இந்த நிலையில் தற்போது ’வலிமை’ படத்தின் மொத்த வியாபாரம் ரூபாய் 200 முதல் 225 கோடி வரை செய்யப்பட்டுள்ளதாகவும் ஃபர்ஸ்ட் லுக் ரிலீஸ் ஆகும் முன்பே ஒரு தமிழ் படம் இத்தனை கோடி வியாபாரன் ஆனது தமிழ்த்திரையுலக வரலாற்றில் இதுதான் முதல் முறை என்று கூறப்படுகிறது. தமிழ் சினிமாவில் மிகப்பெரிய அளவில் வியாபாரம் செய்துள்ள ’வலிமை’ படத்தின் எதிர்பார்ப்பும் மிகப்பெரிய அளவில் உள்ளது என்பது குறிப்பிடத்தக்கது.