நடிகை மஞ்சு வாரியார் கேரளா அரசியலில் குதிக்க இருப்பதாக தகவல்கள் வெளிவந்த நிலையில் இந்த தகவல்களுக்கு அவரை விளக்கம் அளித்துள்ளார்.

சமீபத்தில் வெளியான அஜித் நடித்த ‘துணிவு’ திரைப்படத்தில் நடித்த மஞ்சு வாரியார் லேடி சூப்பர் ஸ்டார் என்ற பட்டத்தை பெரும் வகையில் அதிரடி ஆக்சன் காட்சிகளில் நடித்திருந்தார். அவரது நடிப்பிற்கு பாசிட்டிவ் விமர்சனங்கள் குவிந்து வந்தன என்பதை ஏற்கனவே பார்த்தோம்.

இந்த நிலையில் சமீபத்தில் பேட்டி அளித்த மஞ்சு வாரியார் ’தான் அரசியலில் சேர இருப்பதாக ஒவ்வொரு தேர்தல் நேரத்திலும் வதந்திகள் வரும், ஆனால் தனக்கு அரசியலில் எந்த விதமான ஆர்வமும் இல்லை என்றும் அவர் தெரிவித்துள்ளார்

மேலும் இந்த ஆண்டு தனக்கு ‘துணிவு’ பொங்கல் என்றும் அஜித்துடன் நடித்தது தனக்கு பெருமை என்றும் அவர் கூறியுள்ளார். அஜித்துடன் லடாக் சென்றது மிகவும் மகிழ்ச்சியான அனுபவம், அவர் பைக் பயணத்தை சண்டிகாரில் தொடங்கி மணாலி, லே, லடாக் வரும்போதுதான் அவருடன் நான் இணைந்தேன், நிறைய பேசினோம் என்றும் அவர் தெரிவித்துள்ளார்

அஜித் மிகவும் எளிமையானவர், மனதில் பட்டதை சொல்பவர், அவரை பார்த்து நிறைய கற்றுக் கொண்டேன் என்றும் அவர் தெரிவித்துள்ளார்.