இயக்குனர் சிவா இயக்கத்தில் நான்காவது முறையாக தல அஜித் இணைந்த 'விசுவாசம்' திரைப்படத்தின் படப்பிடிப்பு வரும் பிப்ரவரியில் தொடங்கவுள்ளது என்பதையும் இந்த படத்தின் படப்பிடிப்பு வரும் ஜூன் மாதம் முடிவடையவுள்ளது என்பதையும் இந்த படம் அஜித் ரசிகர்களின் தீபாவளி விருந்தாக வெளிவரவுள்ளது என்பதையும் ஏற்கனவே பார்த்தோம்

இந்த நிலையில் சற்றுமுன் வெளிவந்த தகவலின்படி அஜித்தின் அடுத்த படமான 'தல 59' படத்தை விஷ்ணுவர்தன் இயக்கவுள்ளதாக நம்பத்தகுந்த வட்டாரங்களில் இருந்து செய்திகள் வெளிவந்துள்ளது. ஏற்கனவே பில்லா மற்றும் ஆரம்பம் ஆகிய சூப்பர் ஹிட் படங்களை கொடுத்த இந்த கூட்டணி மீண்டும் இணைவதால் அஜித் ரசிகர்கள் உற்சாகத்தில் உள்ளனர்.

மேலும் இயக்குனர் விஷ்ணுவர்தன் சோழப்பேரரசு குறித்து பிரபல எழுத்தாளர் பாலகுமாரன் அவர்களுடன் ஆய்வு செய்து திரைக்கதை அமைத்துள்ளதாக செய்திகள் வெளிவந்த நிலையில் அஜித்-விஷ்ணுவர்தன் இணையும் இந்த படம் சரித்திர படமாக இருக்குமா என்பதை பொறுத்திருந்து பார்ப்போம்