அஜித்தின் முறுக்குமீசை கெட்டப்: இணையத்தில் வைரல்
- IndiaGlitz, [Tuesday,October 08 2019]
அஜித் நடித்த ’நேர்கொண்ட பார்வை’ திரைப்படம் மிகப்பெரிய வெற்றி பெற்ற நிலையில் அதே படத்தின் இயக்குனர் எச்.வினோத் இயக்கத்தில் அஜித் நடிக்கவுள்ள அடுத்த படமான ’தல 60’ திரைப்படத்தின் படப்பிடிப்பு விரைவில் தொடங்கவுள்ளது.
இந்த படத்திற்காக தல அஜித் வித்தியாசமான கெட்டப்பில் வலம் வந்து கொண்டிருக்கிறார் என்பதை சமீபத்தில் விமான நிலையத்தில் எடுக்கப்பட்ட புகைப்படங்களில் இருந்து தெரியவந்தது.
இதனை அடுத்து தற்போது அஜித்தின் புதிய தோற்றம் கொண்ட புகைப்படம் ஒன்று இணையதளத்தில் வைரலாகி வருகிறது. இந்த புகைப்படத்தில் அஜித் முறுக்கு மீசையுடன் உள்ளார். ‘தல 60’ படத்தில் அஜித் போலீஸ் கேரக்டரில் நடிக்கவுள்ள நிலையில் இந்த முறுக்குமீசை கெட்டப் போலீஸ் கேரக்டருக்கு பொருத்தமாகவும் கம்பீரமாகவும் இருக்கும் என்று கருதப்படுகிறது.
ஏற்கனவே அஜித் இந்த படத்தில் இதுவரை இல்லாத அளவுக்கு வித்தியாசமான கெட்டப்பில் தோன்றுவார் என்று செய்திகள் வெளியாகி நிலையில் அதனை நிரூபிக்கும் அளவில் இந்த புகைப்படம் உள்ளது.
‘தல 60 படத்தின் படப்பிடிப்பு வரும் நவம்பர் அல்லது டிசம்பர் மாதம் தொடங்கும் என்றும் அடுத்த ஆண்டு கோடை விடுமுறையில் இந்த படம் வெளியாகும் என்றும் தகவல்கள் வெளியாகி உள்ளது.