தல அஜித்தை ஆலோசகராக கொண்ட தக்சா என்னும் அண்ணா பல்கலைக்கழக மாணவர்கள் கொண்ட டீம் சமீபத்தில் உலக அளவில் சாதனை செய்தது என்பது தெரிந்ததே. முதலில் பல்கலைக்கழக அளவிலான ஏரோ டிசைன் போட்டியில் முதலிடம் பிடித்த தக்சா டீம் அடுத்ததாக ஆஸ்திரேலியாவின் குயின்ஸ் லேண்டில் யூஏவி மெடிக்கல் எக்ஸ்பிரஸ் சேலஞ்ச் போட்டியில் தக்‌ஷா குழு 2வது இடம் பிடித்தது

இந்த நிலையில் தீபாவளி பண்டிகையை முன்னிட்டு, பாதுகாப்பு பணியில் ஈடுபட்டிருக்கும் சென்னை காவல்துறைக்கு தக்‌ஷா குழு உதவி செய்ய களமிறங்குகிறது. சென்னை தி.நகரில் தீபாவளியை முன்னிட்டு பாதுகாப்பிற்காக காவல்துறை கட்டுப்பாட்டு அறை அமைக்கப்பட்டுள்ளது. இந்த பாதுகாப்பு பணியில் அஜித்தின் தக்சா குழுவின் ஆளில்லா விமானமும் உதவி செய்கிறது.

தக்சா டீம் வடிமைத்த குட்டி விமானங்கள் தி.நகரில் வலம் வரப்போவதாகவும், இதன் உதவியால் குற்றங்கள் நடந்தால் எளிதில் கண்டுபிடித்து குற்றவாளியையும் பிடிக்கலாம் என காவல்துறையினர் தெரிவித்துள்ளனர்.