அஜித்தின் 'சிட்டிசன்' நாயகி வசுந்தரா தாஸ் இப்போது எப்படி இருக்கிறார் தெரியுமா? வைரல் புகைப்படங்கள்..!
- IndiaGlitz, [Thursday,April 06 2023]
அஜித் நடித்த ‘சிட்டிசன்’ உள்பட ஒரு சில திரைப்படங்களில் நடித்த நடிகை வசுந்தரா லேட்டஸ்ட் புகைப்படங்கள் இணையதளங்களில் வைரல் ஆகி வருகின்றன.
கமலஹாசன் நடித்த ’ஹே ராம்’ என்ற திரைப்படத்தின் மூலம் தமிழில் அறிமுகமானவர் நடிகை வசுந்தரா தாஸ். அதன் பிறகு அவர் அஜித் நடித்த ’சிட்டிசன்’ என்ற ஒரே திரைப்படத்தில் மட்டும் நாயகியாக நடித்தார் என்பதும் ஒரு சில ஹிந்தி மற்றும் மலையாள படங்களில் நடித்துள்ளார் என்பதும் குறிப்பிடத்தக்கது.
இவர் நடிகை மட்டுமின்றி சிறந்த பாடகி என்பதும், ’முதல்வன்’ படத்தில் இடம்பெற்ற ‘ஷக்கலக்க பேபி’, ‘ரிதம் படத்தில் இடம்பெற்ற ‘அய்யோ பத்திகிச்சு’ உள்பட பல பாடல்களை பாடியுள்ளார். இவர் நடித்த ’சிட்டிசன்’ படத்திலும் இரண்டு பாடல்களை பாடியுள்ளார் என்பது குறிப்பிடத்தக்கது.
இந்த நிலையில் சமூக வலைதளங்களில் குறிப்பாக இன்ஸ்டாகிராமில் ஆக்டிவாக இருக்கும் வசுந்தரா தாஸ் பல இயற்கை காட்சிகளின் புகைப்படங்களையும் தனது அம்மாவின் புகைப்படம் உள்பட ஒரு சில புகைப்படங்களை பதிவு செய்துள்ள நிலையில் அந்த புகைப்படங்கள் வைரலாகி வருகின்றன.
நடிகை வசுந்தரா தாஸ் தனது நீண்ட நாள் காதலரான ராபர்ட் நரேன் என்பவரை கடந்த 2012 ஆம் ஆண்டு திருமணம் செய்து கொண்டார். இவரது கணவர் ஒரு டிரம்ஸ் கலைஞர் என்பது குறிப்பிடத்தக்கது.