விஜய் நடித்து வரும் ’லியோ’ திரைப்படத்தின் டைட்டிலை அறிவிக்கும் போது அட்டகாசமான புரோமோ வீடியோவுடன் அறிவிக்கப்பட்ட நிலையில் அதேபோல் ’ஏகே 62’ படத்தின் டைட்டிலையும் புரோமோ வீடியோ உடன் வெளியிட படக்குழுவினர் திட்டமிட்டுள்ளதாக கூறப்படுகிறது.

அஜீத் நடிக்க இருக்கும் 62வது திரைப்படமான ’ஏகே 62’ திரைப்படத்தை விக்னேஷ் சிவன் இயக்க இருந்த நிலையில் தற்போது மகிழ்திருமேனி இயக்க உள்ளார் என்பது கிட்டத்தட்ட உறுதி செய்யப்பட்டுள்ளது. இதனை அடுத்து இன்னும் ஓரிரு நாளில் இது குறித்த அறிவிப்பு வெளியாகும் என்றும் கூறப்படுகிறது.

மேலும் ’லியோ’ படம் போலவே ’ஏகே 62’ படத்தின் டைட்டிலை அறிவிக்கும் போது அட்டகாசமான புரோமோ வீடியோவுடன் வெளியிட லைகா நிறுவனத்தின் சுபாஷ்கரனிடம் மகிழ்திருமேனி ஒப்புதல் பெற்றுவிட்டதாகவும் கூறப்படுகிறது. இதை அடுத்து இன்னும் ஒரு சில நாட்களில் அட்டகாசமான புரமோ வீடியோவுடன் ’ஏகே 62’ படத்தின் டைட்டில் வெளியாகும் என்று எதிர்பார்க்கப்படுகிறது.

மேலும் ’லியோ’ திரைப்படம் ஆயுத பூஜை திருவிழாவின்போது ரிலீஸ் ஆக இருக்கும் நிலையில் ’ஏகே 62’ தீபாவளிக்கு ரிலீசாகும் என்று கூறப்படுகிறது.