அஜித் நடித்து வரும் ‘ஏகே 61’ படத்தின் படப்பிடிப்பு சமீபத்தில் தொடங்கியது என்பதும் ஹைதராபாத்தில் உள்ள ராமோஜிராவ் பிலிம் சிட்டியில் இந்த படத்தின் படப்பிடிப்பு நடைபெற்று வருகிறது என்பதை ஏற்கனவே பார்த்தோம்.

இந்த நிலையில் தற்போது வந்துள்ள தகவலின்படி ஹைதராபாத் ராமோஜிராவ் பிலிம் சிட்டியில் அமைக்கப்பட்டுள்ள சென்னை அண்ணாசாலை செட்டில் படப்பிடிப்பு நடைபெற்று வருவதாக தகவல்கள் வெளியாகியுள்ளன.

‘ஏகே 61’ படத்தின் அதிரடி ஆக்ஷன் காட்சிகள் தற்போது நடைபெற்று வருவதாகவும் குறிப்பாக வங்கிக் கொள்ளை அடிக்கும் காட்சிகளின் படப்பிடிப்பில் படக்குழுவினர் தீவிரமாக இருப்பதாகவும் தகவல்கள் கூறப்படுகிறது.

மேலும் இந்த படத்தில் நடிக்கும் நாயகி உள்பட முக்கிய நட்சத்திரங்கள் மற்றும் தொழில்நுட்ப கலைஞர்கள் குறித்த தகவல் இன்னும் ஓரிரு நாளில் வெளியாகும் என்று எதிர்பார்க்கப்படுகிறது.