இதுமட்டும் வேண்டவே வேண்டாம்: அஜித்தின் முக்கிய அறிவிப்பு!
- IndiaGlitz, [Thursday,November 17 2022]
தமிழ் திரையுலகின் மாஸ் நடிகர்களில் ஒருவரான அஜித் எந்த சமூக வலைதளங்களிலும் இல்லை என்றாலும் அவர் தனது ரசிகர்களுக்கு சொல்ல வேண்டிய முக்கிய தகவல்களை தனது மேனேஜர் மூலம் கூறி வருகிறார் என்பது தெரிந்ததே.
அந்த வகையில் சற்றுமுன் அஜித் மேனேஜரின் டுவிட்டர் பக்கத்தில் அஜித் கூறியதாக ஒரு அறிவிப்பு வெளியாகி உள்ளது. அதில் கூறியிருப்பதாவது: உங்களை சுற்றி பாசிட்டிவான நபர்களையும், உங்களை ஊக்கப்படுத்தும் நபர்களை மட்டுமே வைத்துக் கொள்ளுங்கள். நெகட்டிவிட்டி வேண்டவே வேண்டாம். பெரிய லட்சியங்களை அடைய முயலுங்கள்’ என அஜித் தெரிவித்துள்ளதாக அவருடைய மேனேஜர் சுரேஷ் சந்திரா தனது டுவிட்டர் பக்கத்தில் பதிவு செய்துள்ளார்.
அஜித்தின் ‘துணிவு’ மற்றும் விஜய்யின் ‘வாரிசு’ திரைப்படங்கள் ஒரே நாளில் ரிலீசாக இருக்கும் நிலையில் பல நெகட்டிவ் பதிவுகள் சமூக ஊடகங்களில் பதிவாகி வரும் நிலையில் அஜித்தின் இந்த அறிவிப்பு வெளியாகியுள்ளது என்பது குறிப்பிடத்தக்கது.
இந்தநிலையில் அஜித் நடித்த ‘துணிவு’ திரைப்படத்தின் படப்பிடிப்பு முடிவடைந்து தற்போது இறுதிக்கட்ட போஸ்ட் புரொடக்ஷன் பணிகள் நடைபெற்று வருகின்றன. அந்த வகையில் வரும் பொங்கல் தினத்தில் இந்த படம் ரிலீசாக திட்டமிடப்பட்டுள்ளது. இந்த நிலையில் அவருடைய அடுத்த படமான ’ஏகே 62’ என்ற படத்தின் படப்பிடிப்பு இன்னும் ஒரு சில வாரங்களில் தொடங்கும் என்று எதிர்பார்க்கப்படுகிறது.
— Suresh Chandra (@SureshChandraa) November 17, 2022