விமான நிலையத்தில் கைக்குழந்தையுடன் வந்த பெண்ணுக்கு உதவி செய்த அஜித்.. கணவரின் நெகிழ்ச்சி பதிவு..!
- IndiaGlitz, [Friday,April 14 2023]
விமான நிலையத்தில் கைக்குழந்தையுடன் வந்த பெண்ணுக்கு நடிகர் அஜித் உதவி செய்தது குறித்து அந்த பெண்ணின் கணவர் நெகிழ்ச்சியுடன் தனது சமூக வலை தளத்தில் பதிவு செய்துள்ளார். இது குறித்து அவர் கூறியதாவது:
என்னுடைய மனைவி 10 மாத குழந்தையுடன் கிளாஸ்கோ என்ற நகரில் இருந்து சென்னைக்கு விமானத்தில் வந்தார். அப்போது அவர் லண்டன் ஹீத்ரு விமான நிலையத்தில் அஜித்குமாரை பார்த்தார். ஒரு கையில் சூட்கேஸ் மற்றும் இன்னொரு கையில் கைக்குழந்தையுடன் எனது மனைவி இருப்பதை பார்த்ததும் அஜித் உடனே அந்த பெட்டியை தான் வாங்கிக் கொண்டார்.
எனது மனைவி வேண்டாம் என்று சொல்லியபோது ’பரவாயில்லை இருக்கட்டும், எனக்கும் இரண்டு குழந்தைகள் இருக்கிறார்கள், அந்த கஷ்டம் எனக்கு தெரியும் என்று அவர் கூறினார். இதனை அடுத்து அஜித் என் மனைவியின் சூட்கேஸை விமானம் வரை கொண்டு வந்து, அந்த சூட்கேஸ் எனது மனைவியின் இருக்கைக்கு அருகில் வைக்கப்படும் வரை இருந்து விட்டு அதன் பிறகு தான் சென்று உள்ளார்.
அஜித்தின் இந்த உதவி செய்யும் குணம் தான் அவர் இந்த அளவிற்கு உயர்த்தியுள்ளது என்று அந்த பெண்ணின் கணவர் தனது சமூக வலைத்தளத்தில் பதிவு செய்துள்ளார். மேலும் இது குறித்த புகைப்படத்தை அவர் பதிவு செய்துள்ள நிலையில் அந்த புகைப்படம் தற்போது வைரலாகி வருகிறது.