అజిత్ పూర్తి చేసేశాడు..
- IndiaGlitz, [Thursday,April 04 2019]
త‌మిళ స్టార్ హీరో అజిత్ డిసెంబ‌ర్‌లో బాలీవుడ్ చిత్రం 'పింక్‌' రీమేక్ చిత్రీక‌ర‌ణ‌ను స్టార్ట్ చేశాడు. ఖాకి ఫేమ్ హెచ్‌.వినోద్ ద‌ర్శ‌క‌త్వంలో, బోనీ క‌పూర్ సినిమాను నిర్మిస్తున్నారు. ఈ సినిమాను కేవ‌లం 40 రోజుల్లోనే చిత్రీక‌రించారు. 'నెర్‌కొండ పార్వ్యై పేరుతో సినిమా త‌మిళంలో తెర‌కెక్కుతోంది. అజిత్ కెరీర్‌లోనే అతి త్వ‌ర‌గా పూర్త‌యిన చిత్రాల్లో ఈ చిత్ర‌మొక‌టి. ప్ర‌స్తుతం నిర్మాణాంత‌ర ప‌నులు శ‌ర‌వేగంగా జ‌రుగుతున్నాయి.
అన్నీ కార్య‌క్ర‌మాల‌ను పూర్తి చేసి సినిమాను ఆగ‌స్ట్ 10న విడుద‌ల చేయాల‌నుకుంటున్నారు. శ్ర‌ద్ధా శ్రీనాథ్, అభిరామి, ఆండ్రియా తరియంగ్‌లు ఇత‌ర పాత్ర‌ల్లో న‌టిస్తున్నారు. బాలీవుడ్‌లో అమితాబ్ పోషించిన లాయ‌ర్ పాత్ర‌ను త‌మిళంలో అజిత్ పోషించారు. అజిత్ స‌ర‌స‌న విద్యాబాల‌న్ న‌టించారు. సినిమాను ఎక్కువ భాగం హైద‌రాబాద్‌లోనే చిత్రీక‌రించారు.