லட்சுமி மேனனுக்கு அஜித் கொடுத்த தீபாவளி போனஸ்?
- IndiaGlitz, [Sunday,November 15 2015]
கடந்த தீபாவளி தினத்தில் வெளியான அஜீத்தின் 'வேதாளம்' வெற்றி நடை போட்டு வரும் நிலையில், இந்த படத்தில் அஜீத்துக்கு அடுத்தாற்போல் நடிப்பில் பாராட்டுக்களை பெற்றவர் லட்சுமி மேனன். அஜீத் தங்கையாக நடித்த இவருடைய நடிப்பை பல ஊடகங்கள் வெகுவாக பாராட்டியுள்ளன.
இந்நிலையில் 'வேதாளம்' திரைப்படம் எதிர்பார்த்ததைவிட நல்ல வெற்றியை பெற்றுள்ளதால், லட்சுமிமேனனுக்கு பேசிய தொகையை விட கூடுதலாக சம்பளம் அளிக்கும்படி அஜீத், தயாரிப்பாளரை கேட்டுக்கொண்டதாக செய்திகள் வெளிவந்துள்ளது.
இந்த கூடுதல் தொகை தீபாவளிக்கு அஜீத் தனக்கு கொடுத்த போனஸாகவே லட்சுமிமேனன் கருதுகிறாராம். இந்த படத்தில் மட்டுமின்றி, படப்பிடிப்பு முடிந்தபின்னர் அஜீத்-லட்சுமி மேனனின் அண்ணன் தங்கை பாசம் தொடர்வதாகவே கூறப்படுகிறது.