திருச்சி சமயபுரம் மாரியம்மன் கோவிலுக்கு அஜித் வருவார் என்று வதந்தி கிளம்பிய நிலையில் அவரை பார்ப்பதற்காக ரசிகர்கள் கூட்டம் குவிந்தது. இந்த நிலையில் அஜீத்துக்கு பதிலாக யாஷிகா வந்தது ரசிகர்களுக்கு பெரும் அதிருப்தியை ஏற்படுத்தியுள்ளதாக கூறப்படுகிறது.

நடிகர் அஜீத் சமீபத்தில் ஐரோப்பிய நாடுகளில் பைக் சுற்றுப் பயணத்தை முடித்துவிட்டு சென்னை திரும்பினார் என்பதையும், சென்னை விமான நிலையத்தில் அவர் வந்த வீடியோ மற்றும் புகைப்படங்கள் இணையதளங்களில் வைரலானது என்பதையும் பார்த்தோம்.

இந்த நிலையில் நேற்று திடீரென அஜித் தனது குடும்பத்துடன் சமயபுரம் மாரியம்மன் கோவிலுக்கு தரிசனம் செய்ய வர இருப்பதாக சமூகவலைதளங்களில் வதந்தி பரவியது. இந்த வதந்தியை உண்மை என நினைத்த ரசிகர்கள் பலர் சமயபுரம் மாரியம்மன் கோவிலுக்கு வந்ததால் அந்த பகுதியில் பரபரப்பு ஏற்பட்டது.

ஆனால் அஜித் வரவில்லை என்பதால் ரசிகர்கள் அதிருப்தி அடைந்த நிலையில் திடீரென யாஷிகா ஆனந்த், சமயபுரம் மாரியம்மன் கோவிலுக்கு வந்து ரசிகர்களுக்கு இன்ப அதிர்ச்சியை ஏற்படுத்தினார். இதனை அடுத்து அவருடன் போட்டி போட்டுக்கொண்டு ரசிகர்கள் செல்பி எடுத்துக்கொண்டனர். இருப்பினும் அஜித் வரவில்லை என்பது ரசிகர்களுக்கு பெரும் அதிருப்தியை ஏற்படுத்தியுள்ளது என்பது குறிப்பிடத்தக்கது.
 

Latest Video : #Ajith sir at Chennai airport.#AjithKumar #AK #AK61 pic.twitter.com/PmtaTpwlqd

— Ajith Network (@AjithNetwork) July 22, 2022