அஜித் நடித்த 'விஸ்வாசம்' திரைப்படம் சூப்பர்ஹிட்டாகி இன்னும் சென்னை உள்பட பல நகரங்களில் வசூல் மழை பொழிந்து கொண்டிருக்கின்றது. பொங்கலுக்கு பின் வெளியான படங்கள் விஸ்வாசம் படத்தின் வசூலை எந்தவிதத்திலும் பாதிக்கவில்லை என்பதும் குறிப்பிடத்தக்கது

இந்த நிலையில் 'விஸ்வாசம்' படத்தின் டிஜிட்டல் உரிமையை பெற்றுள்ள 'அமேசான்' நிறுவனம் இந்த படத்தை அமேசான் பிரைமில் வெளியிடலாமா? என்ற ஒரு டுவீட்டை பதிவு செய்துள்ளது. இதற்கு அஜித் ரசிகர்கள் கடும் எதிர்ப்பு தெரிவித்து வருகின்றனர்.

விஸ்வாசம்' திரைப்படம் இன்னும் நல்ல வசூலை கொடுத்து கொண்டிருப்பதால் இப்போது வெளியிட வேண்டாம் என்றும் வரும் மே 1ஆம் தேதி அஜித் பிறந்த தினத்தில் வெளியிடுங்கள் என்றும் அஜித் ரசிகர்கள் கூறி வருகின்றனர். ரசிகர்களின் வேண்டுகோளை அமேசான் ஏற்குமா? அல்லது தியேட்டரில் ஓடிக்கொண்டிருக்கும்போதே தனியார் தொலைக்காட்சி ஒன்றில் '96' வெளியானது போல் விஸ்வாசம் படமும் டிஜிட்டலில் வெளிவருமா? என்பதை பொறுத்திருந்து பார்ப்போம்