சாமி வந்தவரிடம் 'வலிமை' அப்டேட் கேட்ட அஜித் ரசிகர்கள்: வைரல் வீடியோ
- IndiaGlitz, [Monday,July 05 2021]
அஜித் நடித்து வரும் ‘வலிமை’ படத்தின் படப்பிடிப்பு கிட்டதட்ட முடிவடைந்து விட்டது என்பதும் இன்னும் ஒரு சில நாட்களின் படப்பிடிப்பு மட்டுமே படமாக்கப்பட வேண்டிய நிலை இருப்பதாகவும் விரைவில் இந்த படப்பிடிப்புக்காக படக்குழுவினர் வெளிநாடு செல்ல இருப்பதாகவும் செய்திகள் வெளியாகி உள்ளது
இந்த நிலையில் ‘வலிமை’ படம் தொடங்கப்பட்டதிலிருந்து இப்பொழுது வரை இந்த படத்தின் டைட்டில் மட்டுமே அதிகாரப்பூர்வமாக அறிவிக்கப்பட்டுள்ளது என்பதும் அதன் பிறகு கடந்த இரண்டு ஆண்டுகளாக எந்தவித அப்டேட்டும் இல்லாமல் இருப்பது அஜித் ரசிகர்களை அதிருப்திக்குள்ளாக்கியுள்ளது என்பதும் தெரிந்ததே
முன்னாள் முதலமைச்சர் எடப்பாடி பழனிச்சாமி முதல் கிரிக்கெட் வீரர்கள் வரை பலரிடம் ‘வலிமை’ அப்டேட்டை அஜித் ரசிகர்கள் தொடர்ச்சியாக கேட்டு வருகின்றனர் என்றும் இது குறித்து ரசிகர்கள் நிலையைக் கண்டித்து அஜித்தே அறிக்கை வெளியிட்டும் இந்த நிலை மாற வில்லை என்பதும் குறிப்பிடத்தக்கது
இந்த நிலையில் சமூக ஊடகங்களில் வீடியோ ஒன்று வைரலாகி வரும் நிலையில் அந்த வீடியோவில் சாமி வந்த ஒருவரிடம் அஜித் ரசிகர் ஒருவர் ‘வலிமை’ அப்டேட் சொல்லுங்க, அதுதான் எங்களுக்கு வேண்டும் என்று கேட்கும் காட்சி உள்ளது. இனி மனிதர்களிடம் கேட்டு பயனில்லை என அஜித் ரசிகர்கள் சாமியிடமே ‘வலிமை’ அப்டேட்டை கேட்க தொடங்கிவிட்டதாக நெட்டிசன்கள் தெரிவித்து வருகின்றனர்.