அஜித் நடித்து வரும் ’வலிமை’ படத்தின் அப்டேட்டை ரசிகர்கள் கேட்கும் செய்தி தினந்தோறும் வெளிவந்து கொண்டிருக்கின்றன என்பதும், ’வலிமை’ படத்தின் மோஷன் போஸ்டர் தயாராகி விட்டதாகவும் மிக விரைவில் இந்த மோஷன் போஸ்டர் வெளியாகும் என்றும் செய்திகள் வெளியாகி உள்ளது. அனேகமாக ஜூலை 15ஆம் தேதி வியாழக்கிழமை ’வலிமை’ படத்தின் மோஷன் போஸ்டர் வெளியாகும் வாய்ப்பு இருப்பதாக கூறப்படுகிறது.

இந்த நிலையில் ’வலிமை’ அப்டேட்டை அஜித் ரசிகர்கள் பலரிடமும் கேட்டு வருகிறார்கள் என்பதும் முன்னாள் முதலமைச்சர் எடப்பாடி பழனிசாமி முதல் பிரதமர் மோடி வரை அஜித் ரசிகர்கள் ’வலிமை’ அப்டேட்டை கேட்காத நபர்களே இல்லை என்பதும் குறிப்பிடதக்கது.

இந்த நிலையில் சமீபத்தில் ஆஸ்திரேலியாவில் கிரிக்கெட் போட்டி நடந்தபோது ரசிகர்கள் ’வலிமை’ அப்டேட் கேட்ட செய்தியைப் பார்த்தோம். அதேபோல் தற்போது நடைபெற்று வரும் யூரோ கால்பந்து போட்டியிலும் ரசிகர்கள் ’வலிமை’ அப்டேட்டை கேட்க தொடங்கிவிட்டனர்.

நேற்று லண்டனில் இங்கிலாந்து மற்றும் டென்மார்க் அணிகளுக்கு இடையே நடைபெற்ற யூரோ கால்பந்து போட்டியின் அரையிறுதி போட்டியின்போது திடீரென அஜித் ரசிகர் ஒருவர் ’வலிமை’ அப்டேட் கேட்கும் பதாகையை தூக்கி காண்பித்தார். இந்த காட்சி உலகம் முழுவதும் தொலைக்காட்சியிலும் ஒளிபரப்பானதை அடுத்து ’வலிமை’ அப்டேட் உலக அளவில் தற்போது கவனத்தை பெற்றுள்ளது என்பது குறிப்பிடத்தக்கது. அஜித் ரசிகர்களின் இந்த ஆர்வத்தை கட்டுப்படுத்தும் வகையில் உடனே விரைவாக ’வலிமை’ அப்டேட்டை படக்குழுவினர் வெளியிட வேண்டும் என்ற கோரிக்கை எழுந்து வருகிறது.

Some Things Are INFREQUENT, only Happens For #ThalaAJITH??????#Valimai mania Everywhere ???? pic.twitter.com/MgSiytPDDg

— THALA WARRIOR™ (@ItsMeKillerXD) July 8, 2021