அஜித் ரசிகர்கள் அஜித்தின் செய்தி எதுவாக இருந்தாலும் அதனை இந்திய அளவில், உலக அளவில் டிரெண்டுக்கு கொண்டு வருவார்கள் என்பது தெரிந்ததே. இந்த நிலையில் விஜய் சேதுபதியுடன் பல படங்கள் நடித்த பிரபல நடிகை காயத்ரி பதிவு செய்த ஒரு புகைப்படத்தை தற்போது அஜித் ரசிகர்கள் டிரெண்டாக்கி உள்ளனர்.

சமீபத்தில் இலங்கை தலைநகர் கொழும்பு சென்றிருந்த நடிகை காயத்ரி ஒரு காரில் பயணம் செய்தார். அப்போது அந்த கார் முழுவதும் அஜித் படங்கள் ஒட்டப்பட்டிருந்ததை பார்த்து ஆச்சரியமடைந்தார். வெளிநாட்டில் கூட அஜித்திற்கு இந்த அளவு வெறித்தனமான ரசிகர்கள் இருப்பதை பார்த்து தான் ஆச்சரியம் அடைந்ததாகவும், அந்த காரின் ஓட்டுனர் அஜித்தின் தீவிர ரசிகர் என்பதை தெரிந்து கொண்டதாகவும் அவர் தனது சமூக வலைத்தளத்தில் பதிவு செய்து புகைப்படத்துடன் ஒரு பதிவை பதிவு செய்துள்ளார். மேலும் அஜித் ரசிகர்கள் வேற லெவல் என்று அவர் தனது பதிவில் குறிப்பிட்டிருந்தார்.

இந்த பதிவை தான் தற்போது அஜித் ரசிகர் வைரல் ஆகி வருகின்றன. தமிழகம், இந்தியா முழுவதும் மட்டுமின்றி வெளிநாட்டிலும் அஜித்துக்கு வெறித்தனமான ரசிகர்கள் உள்ளனர் என்பது நடிகை காயத்ரியின் இந்த பதிவு மூலம் மீண்டும் உறுதி செய்யப்பட்டுள்ளது.