தல அஜித் நடித்த 'விஸ்வாசம்' திரைப்படம் ஒருபக்கம் வரும் பொங்கல் தினத்தில் வெளியாக அனைத்து ஏற்பாடுகளும் செய்யப்பட்டு வருகிறது. இன்னொரு பக்கம் அவர் நடிக்கவுள்ள அடுத்த படத்தின் ஆரம்பகட்ட பணிகளை இயக்குனர் எச்.வினோத் விறுவிறுப்பாக பார்த்து வருகிறார்.

இந்த நிலையில் தனது அடுத்த புரோஜக்ட்டிற்காக அஜித் ஜெர்மனியில் ஆலோசனையில் ஈடுபட்டுள்ளார். அஜித் ஆலோசகராக இருந்து வரும் அண்ணா பல்கலைக்கழக மாணவர்களின் தக்‌ஷா குழு சமீபத்தில் ஆஸ்திரேலியாவில் நடந்த போட்டி ஒன்றில் சர்வதேச அளவில் இரண்டாம் இடத்தை பெற்று நாட்டிற்கே பெருமை சேர்த்தது என்பது தெரிந்ததே.

இந்த நிலையில் தக்சா குழுவினர் அடுத்த புரோஜக்டிற்காக ஜெர்மனியில் உள்ள வாரியோ என்ற ஹெலிகாப்டர் நிறுவனத்தின் நிர்வாகிகளுடன் அஜித் ஆலோசனை நடத்தி வருகிறார். இதுகுறித்த புகைப்படங்கள் இணையதளத்தில் வைரலாகி வருகின்றன. சினிமா செல்வாக்கின் மூலம் அரசியலுக்கு வந்து ஆட்சியை பிடிக்க வேண்டும் என்ற கொள்கையுடன் இருக்கும் நடிகர்களின் மத்தியில் இந்தியாவின் விஞ்ஞான் வளர்ச்சியில் ஈடுபட்டிருக்கும் அஜித்துக்கு வாழ்த்துக்கள் குவிந்து வருகின்றது.