Click here for 'Vedhalam' Movie Gallery

'வீரம்' சிவா இயக்கத்தில் அஜீத், ஸ்ருதிஹாசன் நடிப்பில் உருவாகியுள்ள 'வேதாளம்' படத்தின் படப்பிடிப்பு சமீபத்தில் முடிவடைந்து, இந்த படத்தின் டப்பிங் பணிகள் நடந்து வருவதாக ஏற்கனவே அறிவித்திருந்தோம். இந்த படத்திற்காக கடந்த சில நாட்களாக அஜீத், இரவுபகலாக டப்பிங் பணியில் ஈடுப்பட்டிருந்தார். இந்நிலையில் இன்று அதிகாலை 4.00 மணிக்கு அஜீத் தன்னுடைய டப்பிங் பணியை முழுமையாக முடித்துவிட்டதாக கூறப்படுகிறது.

மேலும் இந்த படத்தின் போஸ்ட் புரடொக்ஷன்ஸ் பணிகள் இரவு பகலாக மின்னல் வேகத்தில் முடிக்கப்பட்டு வரும் 25ஆம் தேதி சென்சாருக்கு செல்லும் என்று எதிர்பார்க்கப்படுகிறது. இதுகுறித்த அதிகாரபூர்வ அறிவிப்பு விரைவில் வெளிவரும் என தெரிகிறது.

அஜீத், ஸ்ருதிஹாசன், லட்சுமிமேனன், சூரி, தம்பி ராமையா, அஸ்வின், கபீர் சிங், ராகுல்தேவ், வித்யூலேகா உள்பட பலர் நடித்துள்ள இந்த படத்தை ஏ.எம்.ரத்னம் பிரமாண்டமாக தயாரித்துள்ளார். அனிருத் இசையமைப்பில், வெற்றியின் ஒளிப்பதிவில் அமைந்துள்ள இந்த திரைப்படம் வரும் அஜீத் ரசிகர்களுக்காக வரும் தீபாவளி தினத்தில் வெளியாகவுள்ளது.