కరోనా విపత్తును ఎదుర్కొంటున్న ఏ ఒక్కరినీ కూడా వదలకుండా హీరో అజిత్ కుమార్ సాయమందించడంపై సోషల్ మీడియా వేదికగా హర్షం వ్యక్తమవుతోంది. రూ.1.33 కోట్లు దేశం కోసం అజిత్ అందించాడు. వీటిలో పీఎం వెల్ఫేర్ ఫండ్‌కి రూ.50 లక్షలు.. మరో రూ.50 లక్షలు తమిళనాడు సీఎం రిలీఫ్ ఫండ్‌కి కూడా ఇచ్చాడు. వేల సంఖ్యలో ఫిలిం, టెలివిజన్ టెక్నీషియన్స్‌కి ప్రాతినిధ్యం వహిస్తున్న సౌత్ ఇండియా ఫిలిం ఎంప్లాయీస్ ఫెడరేషన్‌కి 25 లక్షల రూపాయల సాయం అందించాడు.

తమిళ్ సినిమా పీఆర్వో యూనియన్‌కి రూ.2.5 లక్షలు.. తమిళ్ ఫిలిం జర్నలిస్ట్ యూనియన్‌కు రూ.2.5 లక్షలు.. తిరప్పాడ పత్రిక యాలార్ సంగంకి రూ.2.5 లక్షలు అజిత్ డొనేట్ చేశాడు. అయితే ఈ న్యూస్ కాస్తా సోషల్ మీడియాలో సర్క్యులేట్ అయింది. పెద్దగా ప్రచారాన్ని ఇష్టపడని అజిత్ ఇలా న్యూస్ వైరల్ అవడం పట్ల అసంతృప్తిని వ్యక్తం చేసినట్టు తెలుస్తోంది.