கடந்த சில வாரங்களாக அஜித் நடித்த ’விடாமுயற்சி’ படத்தின் படப்பிடிப்பு அஜர்பைஜான் நாட்டில் நடந்தது என்பதும் அஜித், அர்ஜுன், ஆரவ், த்ரிஷா உள்பட பலர் இந்த படப்பிடிப்பில் கலந்து கொண்டனர் என்பதையும் ஏற்கனவே பார்த்தோம். இடையில் அஜித் மனைவி ஷாலினிக்கு ஒரு சிறிய அறுவை சிகிச்சை நடந்த நிலையில் சென்னை திரும்பிய அஜீத், அதன் பின் மீண்டும் படப்பிடிப்பில் கலந்து கொள்ள அஜர்பைஜான் சென்றதாக கூறப்பட்டது.

இந்த நிலையில் சமீபத்தில் ’விடாமுயற்சி’ படத்தின் அஜர்பைஜான் படப்பிடிப்பு முடிவடைந்ததாக அதிகாரப்பூர்வமாக அறிவிக்கப்பட்ட நிலையில் படக்குழுவினர் அனைவரும் சென்னை திரும்பியதாக கூறப்பட்டது.

ஆனால் அஜித் மட்டும் சென்னை திரும்பாமல் நேராக அங்கிருந்து துபாய் சென்றதாகவும் துபாயில் அவர் 9 கோடி ரூபாய் மதிப்புள்ள ஃபெராரி காரை வாங்கி உள்ளதாகவும் தெரிகிறது. புதிதாக வாங்கிய ஃபெராரி காருடன் இருக்கும் புகைப்படம் இணையத்தில் வைரல் ஆகி வருகிறது.

இந்த நிலையில் ’விடாமுயற்சி’ படத்தின் அடுத்த கட்ட படப்பிடிப்பு ஐதராபாத்தில் உள்ள ராமோஜிராவ் பிலிம் சிட்டியில் நடைபெற இருப்பதாகவும் அதேபோல் ’குட் பேட் அக்லி’ படத்தின் அடுத்த கட்ட படப்பிடிப்பு வெளிநாட்டில் விரைவில் நடைபெற இருப்பதாகவும் தகவல் வெளியாகி உள்ளன.