சிவகார்த்திகேயன் படத்தில் அஜித் பட வில்லன்
- IndiaGlitz, [Tuesday,July 11 2017]
அஜித், ஆர்யா, நயன்தாரா நடித்த 'ஆரம்பம்' படத்தில் ஊழல் செய்யும் அரசியல்வாதியாக நடித்த மகேஷ் மஞ்ச்ரேக்கரை யாரும் மறந்திருக்க முடியாது. இந்த நிலையில் நான்கு வருடங்களுக்கு பின்னர் சிவகார்த்திகேயன் நடித்து வரும் 'வேலைக்காரன்' படத்தில் முக்கிய கேரக்டரில் அவர் நடித்து வருகிறார்.
இந்த படத்தில் மகேஷ் மஞ்ச்ரேக்கர் ஒரு கார்ப்பரேட் நிறுவனத்தின் சி.இ.ஓ ஆக நடித்து வருவதாகவும், இந்த கேரக்டருக்கு அவருடைய தோற்றம் கச்சிதமாக பொருந்தியுள்ளதாகவும் கூறப்படுகிறது. மேலும் இந்த படத்தில் முக்கிய வேடத்தில் நடிக்கும் பகத் பாசிலுடன் இவருக்கு உள்ள தொடர்பு குறித்து ஒரு டுவிஸ்ட் இருப்பதாகவும் கூறப்படுகிறது.
'ஆரம்பம்' படத்திற்கு பின்னர் மீண்டும் நயன்தாரா நடிக்கும் படத்தில் மகேஷ் மஞ்ச்ரேக்கர் நடிக்கின்றார் என்பதும் இங்கே குறிப்பிடத்தக்கது.
சிவகார்த்திகேயன், நயன்தாரா, பகத் பாசில், சினேகா, பிரகாஷ்ராஜ், ரோகினி, ஆர் ஜே பாலாஜி, சதீஷ், ரோபோ ஷங்கர் உள்பட பலர் நடித்து வரும் இந்த படத்திற்கு அனிருத் இசையமைத்து வருகிறார். ராம்ஜி ஒளிப்பதிவும், விவேக் ஹர்சன் படத்தொகுப்பு பணியும் செய்து வரும் இந்த படத்தை 24ஏம் ஸ்டுடியோ நிறுவனம் தயாரித்து வருகிறது.