காவிரிக்காக ஒன்று சேர்ந்த அஜித்-விஜய் ரசிகர்கள்
- IndiaGlitz, [Tuesday,April 10 2018]
காவிரி மேலாண்மை வாரியம் அமைக்க வேண்டும் என்று தமிழக அரசியல் கட்சிகள் கடந்த சில நாட்களாக தொடர்ச்சியாக போராட்டம் செய்து வருகின்றனர். ஆனால் அதில் ஒரு சோகம் என்னவெனில் ஒவ்வொரு கட்சியும் ஒவ்வொரு நாளில் , ஒவ்வொரு விதத்தில் போராட்டம் செய்து வருவதால் போராட்டம் வலிமையற்றதாக உள்ளதாக சமூக ஆர்வலர்கள் கருத்து தெரிவித்து வருகின்றனர்.
ஆனால் அரசியல்வாதிகள் செய்யும் இந்த தவறை அஜித்-விஜய் ரசிகர்கள் செய்யவில்லை. சமூக வலைத்தளங்களில் என்னதான் கருத்துவேறுபாடுடன் மோதிக்கொண்டாலும் காவிரி பிரச்சனைக்காக ஒன்றாக கைகோர்த்து அஜித், விஜய் ரசிகர்கள் தமிழக மக்களின் நலனுக்காக போராட்ட்டம் நடத்தி வருகின்றனர்.
இன்று சிதம்பரத்தில் அஜித், விஜய், தனுஷ் உள்பட முக்கிய நடிகர்களின் ரசிகர்கள் ஒன்றிணைந்து ஒரே இடத்தில் காவிரிக்காக ஒற்றுமையாக குரல் கொடுத்து வருகின்றனர். இதேபோல் அனைத்து அரசியல் கட்சிகளும் ஒற்றுமையுடன் போராட்டம் செய்ய வேண்டும் என்பதே அனைவரின் விருப்பமாக உள்ளது.