பாகிஸ்தானுக்கு பதிலடி கொடுக்கும் அஜித், விஜய் ரசிகர்கள்
- IndiaGlitz, [Saturday,September 07 2019]
பொதுவாக சமூக வலைத்தளத்தில் அஜித், விஜய் ரசிகர்கள் ஒருவருக்கொருவர் மோதிக்கொள்வதைத்தான் இதுவரை பார்த்துள்ளோம். சமூக வலைத்தளங்களில் இருவரது ரசிகர்களும் அதிக அளவில் இருப்பதால் மோதல் தொடர்ந்து கொண்டே இருப்பது மட்டுமின்றி இந்த மோதலில் யார் வெற்றி பெறுவார்கள் என்பது கண்டுபிடிப்பதும் சிரமமான ஒன்றாகும்
இந்த நிலையில் முதல்முறையாக அஜித், விஜய் ரசிகர்கள் என இருதரப்பினர்களும் கைகோர்த்து பாகிஸ்தானுக்கு எதிராக கொந்தளித்து வருகின்றனர். இஸ்ரோ அனுப்பிய சந்திராயன் விண்கலத்தில் இருந்து விக்ரம் லேண்டர் சந்திரனில் இறங்குவதில் ஒரு பின்னடைவு ஏற்பட்ட நிலையில் இந்தியாவே இஸ்ரோ விஞ்ஞானிகளுக்கு ஆறுதலும், அவர்கள் செய்த முயற்சிகளுக்கு பாராட்டுக்களையும் குவித்து வருகிறது.
இந்த நிலையில் இஸ்ரோவின் இந்த முயற்சி வெற்றியடைய கூடாது என ஆரம்பத்தில் இருந்தே வன்மத்துடன் இருந்த பாகிஸ்தான், இந்தியாவுக்கு ஏற்பட்ட பின்னடைவை பார்த்து டுவிட்டரில் கேலி செய்து வருகிறது. இதனைக்கண்டு பொங்கியெழுந்த பலர் பாகிஸ்தானுக்கு கண்டனம் தெரிவித்து வருகின்றனர். பாகிஸ்தான் இன்னும் நிலவை அண்ணாந்து மட்டுமே பார்த்து கொண்டிருக்கும் நிலையில் இந்தியா, நிலவை நெருங்குவதில் 95% வெற்றி பெற்றுவிட்டது என டுவிட்டர் பயனாளிகள் பதிலடி கொடுத்து வருகின்றனர்.
அந்த வகையில் பாகிஸ்தானுக்கு எதிரான பதிலடியில் தற்போது அஜித், விஜய் ரசிகர்களும் ஒன்றிணைந்துவிட்டனர். #PakistanTheSlaveOfIndia என்ற ஹேஷ்டேக்கை அஜித் ரசிகர்களும், #WorthlessPakistan என விஜய் ரசிகர்களும் ஹேஷ்டேக்க உருவாக்கி அதனை டிரெண்டாக்கி வருகின்றனர். என்னதான் தங்களுக்குள் கருத்துவேறுபாடு இருந்தாலும் நாட்டிற்கு ஒரு இழுக்கு என்றால் அஜித், விஜய் ரசிகள் கைகோர்த்து எதிர்ப்புக்குரல் விடுத்து வருவது பெருமைக்குரியதே