அஜித் மகளை கொஞ்சும் விஜய்: வைரலாகும் பழைய வீடியோ!
- IndiaGlitz, [Friday,July 09 2021]
அஜித் மற்றும் விஜய் ரசிகர்கள் சமூக வலைதளங்களில் தினந்தோறும் கருத்து மோதலில் ஈடுபட்டு கொண்டு இருந்தாலும் உண்மையில் அஜித் மற்றும் விஜய் ஆகிய இருவரும் உண்மையான நண்பர்கள் என்பது இரு தரப்பிற்கும் நெருக்கமானவர்களுக்கு மட்டுமே தெரியும் என்பது குறிப்பிடத்தக்கது
அஜித், விஜய் மட்டுமின்றி இருவரின் குடும்பத்தினர்களும் நட்புடன் உள்ளனர் என்பதும் அவ்வப்போது இரு குடும்பத்தினரும் சந்தித்து தங்களது நட்பை பகிர்ந்து கொள்வார்கள் என்பதும் குறிப்பிடதக்கது
இந்த நிலையில் கடந்த சில ஆண்டுகளுக்கு முன்னர் நிகழ்ச்சி ஒன்றில் அஜித், விஜய் குடும்பத்தினர் கலந்து கொண்டபோது சந்தித்த வீடியோ தற்போது வைரல் ஆகி வருகிறது. அஜித்தின் மகள் அப்போது கைக்குழந்தையாக இருந்த நிலையில் ஷாலினி அஜித்திடம் இருந்து விஜய் அந்த குழந்தையை வாங்கி கொஞ்சுவதும், அதன் பின்னர் அஜித் மடியில் உட்கார்ந்திருந்த குழந்தையை விஜய் கொஞ்சுவதுமான காட்சிகள் அந்த வீடியோவில் உள்ளன. இந்த வீடியோவில் இருந்து அஜித் மற்றும் விஜய் பல ஆண்டுகளாகவே நெருங்கிய நண்பர்கள் என்பது உறுதி செய்யப்படுகிறது