அஜித்-ஷாலினியின் லேட்டஸ்ட் ரொமான்ஸ் புகைப்படங்கள்.. குவியும் லைக்ஸ்..!
- IndiaGlitz, [Monday,March 20 2023]
நடிகர் அஜித் தற்போது தனது மனைவி மற்றும் குழந்தைகளுடன் வெளிநாடு சுற்றுப்பயணம் சென்றுள்ள நிலையில் இந்த சுற்றுப்பயணம் குறித்த புகைப்படங்களை ஷாலினி அஜித் தனது இன்ஸ்டாகிராம் பக்கத்தில் அவ்வப்போது வெளியிட்டு வருகிறார் என்பதை பார்த்து வருகிறோம்.
கடந்த இரண்டு நாட்களுக்கு முன்பு கால்பந்து மைதானத்தில் மகனுடன் இருக்கும் புகைப்படம் மற்றும் மகன், மகளுடன் இருக்கும் ஒரு சில புகைப்படங்களை ஷாலினி அஜித் பதிவு செய்திருந்தார் என்பதும் இந்த புகைப்படங்களுக்கு லட்சக்கணக்கான லைக்ஸ் மற்றும் கமெண்ட்ஸ்கள் குவிந்தன என்பதும் தெரிந்ததே.
இந்த நிலையில் சற்றுமுன் அவர் தனது இன்ஸ்டாகிராம் பக்கத்தில் அஜித் உடன் ரொமான்ஸ் ஆக இருக்கும் புகைப்படங்களை பகிர்ந்து உள்ளார். நடுக்கடலில் படகில் இருப்பது போன்று உள்ள இந்த புகைப்படங்களை பார்த்து ரசிகர்கள் வைரல் ஆக்கி வருகின்றனர்.
இந்த நிலையில் அஜித்தின் அடுத்த படத்தை மகிழ்திருமேனி இயக்க இருப்பதாகவும் இந்த படத்தின் அறிவிப்பு இன்னும் ஒரு சில நாட்களில் வெளியாகும் என்றும் கூறப்படுகிறது.