விசுவாசம் படத்தில் அஜித்தின் கேரக்டர் என்ன தெரியுமா?
- IndiaGlitz, [Friday,February 23 2018]
தல அஜித் நடிப்பில் இயக்குனர் சிவா இயக்கவுள்ள 'விசுவாசம்' படத்தின் படப்பிடிப்பு வரும் ஏப்ரல் மாதம் தொடங்கவுள்ளது என்பதும் இந்த படத்திற்காக பின்னி மில்லில் பிரமாண்டமான செட் தயாராகி வருகிறது என்பதையும் ஏற்கனவே பார்த்தோம்
இந்த நிலையில் ஒருசில ஊடகங்களில் அஜித் இந்த படத்தில் வடசென்னை தமிழ் பேசும் கேரக்டரில் நடிக்கவுள்ளதாகவும் செய்திகள் வெளிவந்து கொண்டிருக்கின்றது. ஆனால், தற்போது பின்னி மில்லில் ஒரு நிஜ கிராமம் போன்ற செட் போடப்பட்டு வருவதாகவும், இதனால் இந்த படம் 'வீரம்' போன்ற ஒரு கிராமிய பின்னணி கொண்ட படமாக இருக்கும் என்றும் கூறப்படுகிறது.
மேலும் இந்த படத்தில் அஜித்தின் காஸ்ட்யூம் பெரும்பாலும் வெள்ளை வேட்டி, வெள்ளை சட்டை தான் என்பதும் தெரிய வந்துள்ளதால் மீண்டும் ஒரு 'வீரம்' ஸ்டைல் கிராமிய கதையை அஜித் ரசிகர்கள் எதிர்பார்க்கலாம் என்பதே இப்போதைய லேட்டஸ்ட் தகவல். இருப்பினும் படம் முழுவதும் கிராமிய மணம் வீசுமா? அல்லது ஒரு பகுதி மட்டும் கிராமிய கதையா? என்பது போகப்போகத்தான் தெரியும்