அஜித் நடித்து வரும் ’விடாமுயற்சி’ படத்தின் படப்பிடிப்பு அஜர்பைஜான் நாட்டில் விறுவிறுப்பாக நடைபெற்று வருவதாக கூறப்படும் நிலையில் இந்த படத்தின் பொங்கல் அப்டேட் வரும் என்று அஜித் ரசிகர்கள் ஆவலுடன் எதிர்பார்த்து காத்திருந்தனர்.

ரஜினியின் ’லால் சலாம்’ மற்றும் ’வேட்டையன்’ விஜய்யின் ’கோட்’ ஆகிய படங்களின் அப்டேட் இன்று வெளியாகியுள்ளதால் ’விடாமுயற்சி’ அப்டேட் கண்டிப்பாக வரும் என்று ரசிகர்கள் நம்பிக்கையுடன் இருந்தனர். ஆனால் தற்போது வரை ’விடாமுயற்சி’ அப்டேட் வரவில்லை என்பது அஜித் ரசிகர்களுக்கு அதிருப்தியை ஏற்படுத்தி உள்ளது.

இந்த நிலையில் அஜித் ரசிகர்களுக்கு உற்சாகத்தை தரும் வகையில் அவர் நடிக்க இருக்கும் 63வது திரைப்படத்தின் பூஜை இன்று சென்னையில் நடைபெற்றதாகவும் இந்த பூஜையில் முக்கிய பிரமுகர்கள் கலந்து கொண்டதாகவும் கூறப்படுகிறது.

அஜித்தின் அடுத்த படத்தை ஆதிக் ரவிச்சந்திரன் இயக்க இருப்பதாகவும் மைத்ரி மூவி மேக்கர்ஸ் இந்த படத்தை தயாரிக்க இருப்பதாகவும் கூறப்பட்ட நிலையில் இந்த படத்தின் பூஜை இன்று சென்னையில் நடந்துள்ளதாகவும் இந்த படத்தின் படப்பிடிப்பு ஏப்ரல் மாதம் தொடங்க இருப்பதாக கூறப்படுகிறது. மேலும் இந்த படத்தில் நாயகியாக தபு நடிக்க இருப்பதாகவும் தெரிகிறது. ’அஜித் 63’ படத்தின் பூஜை குறித்த புகைப்படங்கள் இன்று வெளிவருமா? என்பதை பொறுத்திருந்து பார்ப்போம்.