அஜித் நடிப்பில் சமீபத்தில் வெளியான ’வலிமை’ திரைப்படம் நெகட்டிவ் விமர்சனங்களையும் தாண்டி 150 கோடி ரூபாய்க்கு மேல் வசூல் செய்து வருவதாக தகவல்கள் வெளியாகியுள்ளன. இந்த நிலையில் அஜித் நடிக்கவிருக்கும் அடுத்த திரைப்படத்தை போனிகபூர் தயாரிக்க இருப்பதாகவும், வினோத் இயக்க இருப்பதாகவும் வெளியான செய்தியை ஏற்கனவே பார்த்தோம். மேலும் இந்த படத்தில் அஜீத் வில்லன் மற்றும் ஹீரோ ஆகிய இரண்டு கேரக்டர்களில் நடிப்பதாகவும் கூறப்பட்டது.

இந்த நிலையில் ’அஜித் 61’ படத்தின் பூஜை மார்ச் 9ஆம் தேதி நடைபெற இருப்பதாகவும் இந்த படத்தின் படப்பிடிப்பு மார்ச் 18 முதல் தொடங்க வாய்ப்பு இருப்பதாகவும் கூறப்படுகிறது. மேலும் இந்த படத்திற்காக சென்னை அண்ணா சாலை செட் போடப்படும் பணி கிட்டத்தட்ட முடிவடைந்து விட்டதாக கூறப்படுகிறது.

அஜித் நடிப்பில் எச் வினோத் இயக்கத்தில் போனி கபூர் தயாரிப்பில் உருவாகும் இந்த படத்திற்கு ஜிப்ரான் இசையமைக்க இருப்பதாகவும் இந்த படத்தில் நடிக்கும் மற்ற நட்சத்திரங்கள் மற்றும் தொழில்நுட்ப கலைஞர்கள் குறித்த அறிவிப்பும், இந்த படத்தின் டைட்டிலும் பூஜை அன்றே வெளியாக வாய்ப்பிருப்பதாகவும் கூறப்படுகிறது.