'அஜித் 61' திரைப்படம் 'மணி ஹெய்ஸ்ட்' தழுவலா?
- IndiaGlitz, [Tuesday,March 08 2022]
அஜித் நடித்த ’வலிமை’ திரைப்படம் சமீபத்தில் வெளியானது என்பதும் இந்த திரைப்படம் நெகட்டிவ் விமர்சனங்களையும் தாண்டி கிட்டத்தட்ட 200 கோடி ரூபாய் வசூலை நெருங்கி விட்டதாகவும் கூறப்படுகிறது.
இந்த நிலையில் அஜித் நடிக்கவிருக்கும் அடுத்த திரைப்படமான ‘அஜித் 61’ படத்தை இயக்குனர் வினோத் இயக்க உள்ளார் என்பதும் போனிகபூர் தயாரிக்க உள்ளார் என்பதை ஏற்கனவே பார்த்தோம். இந்த படத்தின் படப்பிடிப்பு வரும் ஏப்ரல் மாதம் ஹைதராபாத்தில் நடைபெற உள்ளது என்பதும் இந்த படத்திற்காக சென்னை அண்ணா சாலை செட் போடும் பணி கிட்டத்தட்ட முடிவடைந்து விட்டதாக தகவல் வெளிவந்துள்ளது .
இந்த நிலையில் இந்த படத்தில் ஏற்கனவே அஜீத் நெகட்டிவ் கேரக்டரில் நடிக்கவுள்ளார் என்று கூறப்பட்ட நிலையில் தற்போது கசிந்துள்ள தகவலின்படி இந்த படம் ‘மணி ஹெய்ஸ்ட்’ வெப்தொடரின் தழுவல் என்று கூறப்படுகிறது. ஏற்கனவே ‘மணி ஹெய்ஸ்ட்’ வெப்தொடரை தமிழில் ரீமேக் செய்தால் அதில் புரபொசர் கேரக்டரில் அஜீத் தான் நடிக்க வேண்டும் என பலர் கருத்து தெரிவித்திருந்தனர் என்பது குறிப்பிடத்தக்கது.