அஜித் நடித்த ’வலிமை’ திரைப்படம் சமீபத்தில் வெளியாகி மிகப்பெரிய அளவில் வரவேற்பு பெற்றது என்பதும் நெகட்டிவ் விமர்சனங்களையும் தாண்டி இந்த படம் 200 கோடி ரூபாய் வசூல் செய்ததாக டிரேடிங் வட்டாரங்கள் கூறியுள்ளன என்பதும் தெரிந்ததே.

இந்த நிலையில் ’அஜித் 61’ படத்தின் பூஜை இன்று சென்னையில் நடைபெற இருப்பதாகவும் இதற்காக போனிகபூர் சென்னைக்கு வந்து இருப்பதாகவும் கூறப்படுகிறது. இன்று பூஜை முடிந்தவுடன் இந்த படத்தின் டைட்டில் அறிவிக்கப்படும் என்று எதிர்பார்க்கப்படுகிறது.

இந்த நிலையில் ’அஜித் 61’ படத்தில் அஜித் நெகட்டிவ் கேரக்டரில் நடிக்க இருப்பதாகவும் இதுவொரு வங்கிக்கொள்ளை குறித்த கதையம்சம் கொண்டது என்றும் கூறப்படுகிறது. ஏற்கனவே இந்த படத்திற்காக அவர் ஸ்டைலிஷ் ஆக நீண்ட தாடி வளர்த்து இருப்பது போன்ற நெகட்டிவ் புகைப்படத்தை போனிகபூர் வெளியிட்டு இருந்தார் என்பது குறிப்பிடத்தக்கது.

இந்த நிலையில் சமீபத்தில் அஜித்தின் மகன் ஆத்விக் பிறந்தநாளை அடுத்து எடுக்கப்பட்ட புகைப்படம் ஒன்று வெளியாகி வைரலாகி வருகிறது. இந்த புகைப்படத்தில் அஜித் நீண்ட தாடி, கோட் சூட் மற்றும் சன் கிளாஸ் என செம ஸ்டைலிஷாக காணப்படுகிறார். ’அஜித் 61’ படத்தின் கெட்டப்புடன் அஜித் உள்ள இந்த புகைப்படம் தற்போது வைரலாகி வருகிறது.