அமிதாப்பச்சன் நடத்தி வரும் குரோர்பதி நிகழ்ச்சி தனியார் தொலைக்காட்சி ஒன்றில் விறுவிறுப்பாக சென்று கொண்டிருக்கும் நிலையில் இந்த நிகழ்ச்சியில் கலந்து கொண்ட அஜித்குமார் என்பவர், டி20 குறித்த கேள்வி ஒன்றை பதில் அளிக்காததால் அவருக்கு கிடைக்க வேண்டிய ரூ.7 கோடி மிஸ் ஆனது.

ஆரம்பம் முதலே அருமையாக விளையாடி வந்த அஜித் குமார் ரூ.1 கோடிக்கான கேள்வியின் விடையை சரியாக சொல்லி அந்த பணத்தை உறுதி செய்தார். அடுத்த கேள்வியை அவர் சரியாக பதில் கூறினால் அவருக்கு ரூ.7 கோடி கிடைக்கும் என்ற நிலை இருந்தது.

இந்த நிலையில் இந்த நிகழ்ச்சியை நடத்திய நடிகர் அமிதாப்பச்சன், ரூ.7 கோடிக்கான கேள்வியாக டி20 போட்டி குறித்த ஒரு கேள்வியை கேட்டார். ஒரே நாளில் நடைபெற்ற இரண்டு வெவ்வேறு டி20 போட்டியில் இரண்டிலும் அரைசதம் அடித்த கிரிக்கெட் வீரர் யார்? என்பதே இந்த கேள்வி. இந்த கேள்விக்கான சரியான பதிலை அஜித்குமார் கூறியிருந்தால் அவருக்கு ரூ.7 கோடி கிடைத்திருக்கும். ஆனால் பதில் தெரியாததால் ரூ.1 கோடியுடன் தான் இந்த போட்டியில் இருந்து விலகிக்கொள்வதாக அவர் கூறியதை அடுத்து அவருக்கு வாழ்த்து தெரிவித்து வழியனுப்பி வைத்தார் அமிதாப்பச்சன். இந்த கேள்விக்கு சரியான விடை முகம்மது ஷாஜாத் என்பது குறிப்பிடத்தக்கது.