தமிழ் திரையுலகின் பிரபல இயக்குனர் அஜய் ஞானமுத்து இயக்கி வரும் அடுத்த படம் குறித்த சூப்பர் தகவல் வெளியாகியுள்ளன.

கடந்த 2015 ஆம் ஆண்டில் ’டிமான்டி காலனி’ என்ற திரைப்படத்தின் மூலம் இயக்குனராக அறிமுகமானவர் அஜய் ஞானமுத்து. இதனை அடுத்து அவர் லேடி சூப்பர் ஸ்டார் நயன்தாரா நடித்த ’இமைக்காநொடிகள்’ விக்ரம் நடித்த ’கோப்ரா’ ஆகிய படங்களை இயக்கிய நிலையில் தற்போது அவர் ‘டிமாண்டி காலனி 2 என்ற படத்தை இயக்கி வருகிறார்.

முதல் பாகத்தில் நாயகனாக நடித்த அருள்நிதி இந்த படத்திலும் நாயகனாக நடித்து வரும் நிலையில் இந்த படத்தின் நாயகியாக பிரியா பவானி சங்கர் நடித்து வருகிறார் என்பதும் இந்த படத்தின் படப்பிடிப்பு கடந்த நவம்பர் மாதம் தொடங்கியது என்பது குறிப்பிடத்தக்கது.

இந்த நிலையில் தற்போது இந்த படத்தின் 40 சதவீத படப்பிடிப்பு முடிந்து உள்ளதாகவும் இதனை அடுத்து படக்குழுவினருக்கு தனது நன்றி என்றும் அஜய் ஞானமுத்து தெரிவித்துள்ளார். இந்த படப்பிடிப்பில் பல முக்கிய காட்சிகள் படமாக்கப் பட்டதாகவும் இதுவரை படமாக்கப்பட்ட காட்சிகள் முழு திருப்தியுடன் இருப்பதாகவும் அவர் தெரிவித்துள்ளார்.

ஏழு வருடங்கள் கழித்து மீண்டும் தனது த்ரில் கதையம்சம் கொண்ட ’டிமாண்டி காலனி’ இரண்டாம் படத்தை இயக்கி வரும் அஜய்ஞானமுத்துவின் இந்தப் படமும் முதல் பாகம் போலவே மிகப்பெரிய வெற்றியடையும் என்று எதிர்பார்க்கப்படுகிறது. தீபக் மேனன் ஒளிப்பதிவில் குமரேஷ் படத்தொகுப்பில் உருவாகிவரும் இந்த படத்தின் அடுத்த கட்ட படப்பிடிப்பு விரைவில் தொடங்கும் என்று எதிர்பார்க்கப்படுகிறது.