இது யாரு பார்த்த வேலைன்னு தெரியலை: 'தளபதி 65' குறித்து பிரபல இயக்குனர்
- IndiaGlitz, [Wednesday,March 18 2020]
தளபதி விஜய் நடித்த ’மாஸ்டர்’ திரைப்படத்தின் படப்பிடிப்பு முடிவடைந்து தற்போது போஸ்ட் புரொடக்ஷன் பணிகள் நிறைவடையும் நிலையில் உள்ளது. இந்த நிலையில் கொரோனா வைரஸ் பாதிப்பு குறைந்து விட்டால் திட்டமிட்டப்படி ஏப்ரல் 9ஆம் தேதி ரிலீஸாகும் என்றும் இல்லையேல் பட ரிலீஸ் தள்ளிப் போகும் என்றும் கூறப்படுகிறது.
இந்த நிலையில் ’தளபதி 65’ திரைப்படத்தை இயக்கும் இயக்குனர் யார் என்பது குறித்து முடிவை விஜய் இதுவரை எடுக்கவில்லை என தெரிகிறது. தளபதி 65 படத்தை சுதா கொங்காரா இயக்கவிருப்பதாக கூரப்பட்ட நிலையில் தற்போது அவர் அந்த பட்டியலில் இல்லை என்றும் கூறப்படுகிறது.
இந்த நிலையில் ஒருசில இயக்குனர்கள் ’தளபதி 65’ படத்தை இயக்க இருப்பதாக செய்திகள் வெளியாகி வருகிறது. அந்த வகையில் ’டிமான்டி காலனி’ ’இமைக்காநொடிகள்’ திரைப்படங்களை இயக்கியவரும் தற்போது விக்ரம் நடித்து வரும் ’கோப்ரா’ என்ற படத்தை இயக்கி வருபவருமான அஜய்ஞானமுத்து தான் ‘தளபதி 65’ படத்தை இயக்க இருப்பதாக செய்திகள் வெளியானது.
ஆனால் இதனை அஜய் ஞானமுத்து மறுத்துள்ளார். ’இது யார் பார்த்த வேலை ன்னு தெரியல’ என்று அவர் தனது சமூக வலைத்தளத்தில் குறிப்பிட்டுள்ளார். இதனை அடுத்து தளபதி 65’படத்தை அஜய்ஞானமுத்து இயக்கவில்லை என்பது உறுதியாகி உள்ளது.
Nooo!! ?? Idhu yaaru paatha vela nu therila ???? https://t.co/sdpG6YwcSk
— Ajay Gnanamuthu (@AjayGnanamuthu) March 18, 2020