ஐஸ்வர்யா ரஜினிகாந்த் இயக்கத்தில் உருவாகி வரும் ’லால் சலாம்’ படத்தின் படப்பிடிப்பு கடந்த சில வாரங்களாக நடைபெற்று வந்த நிலையில் தற்போது முதல் கட்ட படப்பிடிப்பு முடிவடைந்துள்ளதாக ஐஸ்வர்யா ரஜினிகாந்த் தனது இன்ஸ்டாகிராம் பக்கத்தில் தெரிவித்துள்ளார்.

சூப்பர் ஸ்டார் ரஜினிகாந்த் மகள் ஐஸ்வர்யா ரஜினிகாந்த் இயக்கத்தில் உருவாகி வரும் ’லால் சலாம்’ திரைப்படத்தில் விக்ராந்த் மற்றும் விஷ்ணு விஷால் முக்கிய வேடத்தில் நடித்து வருகின்றனர். மேலும் இந்த படத்தில் ஜீவிதா, தம்பி ராமையா, செந்தில் உட்பட பலர் நடித்து வருகின்றனர் என்பதும் இசைப்புயல் ஏஆர் ரகுமான் இசையில் உருவாகி வரும் இந்த படத்தை லைகா நிறுவனம் தயாரித்து வருகிறது என்பது குறிப்பிடத்தக்கது.

சூப்பர் ஸ்டார் ரஜினிகாந்த் சிறப்பு தோற்றத்தில் நடிக்கவுள்ள இந்த படத்தில் ரஜினிகாந்த் சம்பந்தப்பட்ட காட்சிகளின் படப்பிடிப்பு விரைவில் தொடங்க உள்ளது என்பது குறிப்பிடத்தக்கது.

இந்த நிலையில் சற்றுமுன் ஐஸ்வர்யா தனது இன்ஸ்டாகிராம் பக்கத்தில் முதற்கட்ட படப்பிடிப்பு முடிவடைந்தது என்றும் அடுத்த கட்ட படப்பிடிப்பு விரைவில் தொடங்க இருப்பதாகவும் கூறியுள்ளார். மேலும் தனது படத்தின் குழுவினர்களில் முக்கியமானவர்களுக்கு விருந்து வைத்த அவர் இதுகுறித்த ஜாலியான புகைப்படங்களையும் பதிவு செய்துள்ள நிலையில் அந்த புகைப்படங்கள் வைரல் ஆகி வருகிறது.

View this post on Instagram

A post shared by Aishwaryaa Rajinikanth (@aishwaryarajini)

View this post on Instagram

A post shared by Aishwaryaa Rajinikanth (@aishwaryarajini)