விக்ரம் நடிப்பில் இயக்குனர் ஹரி இயக்கி வரும் 'சாமி 2' படத்தின் படப்பிடிப்பு இறுதிக்கட்டத்தை நெருங்கியுள்ளது. இந்த படத்தின் நாயகியாக கீர்த்திசுரேஷ் நடித்து வருகிறார். இந்த நிலையில் 'சாமி' படத்தில் நடித்த த்ரிஷா, இந்த படத்தின் ஒரு முக்கிய கேரக்டரில் நடிப்பதாக் அறிவிக்கப்பட்டது. ஆனால் த்ரிஷா இந்த படத்தில் இருந்து திடீரென விலகினார்.

இந்த நிலையில் த்ரிஷா நடிக்கவிருந்த கேரக்டருக்கு தற்போது பிரபல ந்டிகை ஐஸ்வர்யா ராஜேஷ் தேர்வு செய்யப்பட்டுள்ளார். விக்ரம், ஐஸ்வர்யா ராஜேஷ் இணைந்த ஸ்டில்கள் சமூக வலைத்தளத்தில் வைரலாகி வருவது இந்த செய்தியை உறுதி செய்துள்ளது.

விக்ரம், கீர்த்திசுரேஷ், பிரபு, பாபிசிம்ஹா, ஜான்விஜய், ஐஸ்வர்யா ராஜேஷ் உள்பட பலர் நடித்து வரும் இந்த படத்திற்கு தேவிஸ்ரீ பிரசாத் இசையமைத்து வருகிறார். தமீன்ஸ் பிலிம்ஸ் நிறுவனம் தயாரிக்கும் இந்த படத்திற்கு பிரியன் வெங்கடேஷ் ஒளிப்பதிவும், விடி விஜயன் படத்தொகுப்பு பணியும் செய்து வருகின்றனர். இந்த படம் வரும் ஆகஸ்ட் மாதம் வெளியாகும் என்று எதிர்பார்க்கப்படுகிறது.