ஒருகாலத்தில் மூலையில் நின்று ஷூட்டிங் பார்த்தேன், இன்று அவருடனே நடித்தேன்: ஐஸ்வர்யா ராஜேஷ் பெருமிதம்
- IndiaGlitz, [Monday,March 14 2022]
ஒரு காலத்தில் அவருடைய நடிப்பை மூலையில் நின்று வேடிக்கை பார்த்தேன் என்றும் இப்போது அவருடன் நடிக்கும் வாய்ப்பு கிடைத்தது பெருமையாக இருக்கிறது என்றும் பிரபல நடிகை ஐஸ்வர்யா ராஜேஷ் கூறியுள்ளார். அவர் குறிப்பிட்ட அந்த நடிகை பிரபல நடிகை சினேகா என்பது குறிப்பிடத்தக்கது.
சமீபத்தில் விளம்பரம் படமொன்றில் ஐஸ்வர்யா ராஜேஷ் மற்றும் சினேகா ஆகிய இருவரும் இணைந்து நடித்துள்ளனர். இந்த விளம்பர படத்தில் சினேகா உடன் நடித்த அனுபவம் குறித்து ஐஸ்வர்யா ராஜேஷ் தனது சமூக வலைத்தளத்தில் கூறியதாவது:
நான் சின்னப் பெண்ணாக இருந்தபோது சினேகாவின் படப்பிடிப்பை ராமோஜிராவ் பிலிம் சிட்டியில் ஒரு மூலையில் நின்று எனது அம்மாவுடன் பார்த்தேன். எனது அம்மா கூப்பிட்ட போதிலும் அந்த படப்பிடிப்பில் இருந்து வெளியே வர மனதே வரவில்லை. அப்படி ஒரு அழகான நடிகை சினேகா. இன்று அவருடன் ஒரு விளம்பர படத்தில் நடிக்க வாய்ப்பு கிடைத்தது பெருமையாக உள்ளது என்று குறிப்பிட்டுள்ளார்.