தோனி எண்ட்ரியின்போது போடப்பட்ட பாடல் இதுதான்.. ஐஸ்வர்யா ராஜேஷ் பேட்டி..!
- IndiaGlitz, [Sunday,May 07 2023]
நேற்று சென்னை சேப்பாக்கம் மைதானத்தில் சிஎஸ்கே மற்றும் மும்பை அணிகளுக்கு இடையே நடந்த போட்டியில் சென்னை அணி அபார வெற்றி பெற்றது என்பது அனைவரும் அறிந்ததே. இந்த நிலையில் இந்த போட்டியின் போது ஐஸ்வர்யா ராஜேஷ் நடித்த ’பர்கானா’ என்ற திரைப்படத்தின் குழுவினர் பேட்டி அளித்தனர்
அப்போது ஐஸ்வர்யா ராஜேஷ் தனது கிரிக்கெட் ஆர்வம் குறித்து ‘கனா’ திரைப்படத்தின் போது தான் கிரிக்கெட் விளையாட்டிற்கு செய்த பயிற்சி குறித்து பேசினார். மேலும் எம்.எஸ். தோனி குறித்த கேள்விக்கு அவர் பதிலளித்த போது, ‘கனா’ திரைப்படத்திற்கு முன்பு கிரிக்கெட்டை ஒரு பொழுதுபோக்காக மட்டுமே நான் பார்த்து வந்தேன் ஆனால் ‘கனா’ படத்தில் நடித்துக் கொண்டிருக்கும் போது பவுலிங் மட்டும் பேட்டிங் பயிற்சிகாக நான் அதிக கிரிக்கெட் போட்டிகளை பார்த்தேன்
குறிப்பாக தோனி எனக்கு மிகவும் பிடித்த விளையாட்டு வீரர், அவர் கூலாக இருப்பது எனக்கு ரொம்ப பிடிக்கும். எந்த போட்டியாக இருந்தாலும் அவர்தான் மேன் ஆப் தி மேட்ச், மேன் ஆப் தி சீரிஸ்.. கடந்த முறை சென்னை சேப்பாக்கம் மைதானத்தில் நான் சிஎஸ்கே போட்டி பார்க்கும்போது தோனி களத்தில் இறங்கியபோது, ‘பாட்ஷா பாட்ஷா’ என்ற பாடல் ஒலித்தது மிகவும் பொருத்தமாக இருந்தது’ என ஐஸ்வர்யா ராஜேஷ் கூறினார்.