தென்னிந்திய திரையுலகின் முன்னணி நடிகைகளில் ஒருவரான தமன்னா நடிப்பில் இந்த ஆண்டில் ஏற்கனவே 'கண்ணே கலைமானே' மற்றும் 'தேவி 2' ஆகிய திரைப்படங்கள் வெளியாகியுள்ளன. இந்நிலையில் அவர் தற்போது விஷால் நடிப்பில் சுந்தர் சி இயக்கத்தில் உருவாகி வரும் ஒரு ஆக்சன் படத்தில் நாயகியாக நடித்து வருகிறார்.

மேலும் அவர் சமீபத்தில் 'பெட்ரோமாக்ஸ்' என்ற படத்தில் முக்கிய வேடத்தில் நடிக்க ஒப்பந்தமானார். நாயகிக்கு முக்கியத்துவம் உள்ள கதையம்சம் கொண்ட இந்த படத்தின் படப்பிடிப்பு முழுவீச்சில் நடைபெற்று வருகிறது. தமன்னா, யோகிபாபு, காளிவெங்கட் உள்பட பலர் நடித்து வரும் இந்த படத்தை ரோஹின் வெங்கடேசன் இயக்கி வருகிறார். ஜிப்ரான் இசையில் டேனி ரெய்மண்ட் ஒளிப்பதிவில், லியோ ஜான்பால் படத்தொகுப்பில் உருவாகி வரும் இந்தப் படத்தை இதில் ஈகிள்ஸ் ஐ புரடொக்சன்ஸ் நிறுவனம் தயாரித்து வருகிறது.

இந்த நிலையில் இந்த படத்தின் இரண்டாவது போஸ்டர் லுக் இன்று மாலை 5 மணிக்கு வெளியாக இருப்பதாகவும் இந்த போஸ்டரை பிரபல நடிகை ஐஸ்வர்யா ராஜேஷ் தனது சமூக வலைதளப் பக்கத்தில் வெளியிட இருப்பதாக படக்குழுவினர் அறிவித்துள்ளனர். தமன்னா படம் ஒன்றின் இரண்டாவது லுக்கை வெளியிட்டு உதவி செய்யும் ஐஸ்வர்யாராய்க்கு தமன்னா தனது நன்றியை தெரிவித்துள்ளார்.