'காக்கா முட்டை', 'ஆறாது சினம்', தர்மதுரை என தமிழ் திரையுலகில் தரமான படங்களில் நடித்து முன்னணி இடத்தை நோக்கி சென்று கொண்டிருக்கும் நடிகை ஐஸ்வர்யா ராஜேஷ். 

தற்போது வெற்றிமாறனின் 'வடசென்னை', விக்ரமின் 'துருவ நட்சத்திரம்' ஆகிய படங்களில் நடித்து வரும் ஐஸ்வர்யா, மணிரத்னம் இயக்கும் அடுத்த படத்திலும் நடிக்க ஒப்பந்தமாகியுள்ளார்.

இந்த நிலையில் சமீபத்தில் ஐஸ்வர்யா ராஜேஷ் நடித்த பாலிவுட் திரைப்படம் 'டாடி' படத்தின் புரமோஷன் நிகழ்ச்சியின்போது நடிகைகளின் அட்ஜெஸ்ட்மெண்ட் குறித்த கேள்வி ஒன்றுக்கு பதிலளிக்கையில், 'நடிகையாக ஜெயிக்க வைப்பதற்காக பெண்களை பாலியல் தொல்லை செய்வது மிக கேவலமான செயல் என்றும், சில உப்புமா படங்களுக்கு கூட அட்ஜஸ்ட் செய்துகொள்வீர்களா என கேட்பார்கள் என்றும், அதனை அக்ரீமெண்ட், அட்ஜஸ்ட்மென்ட், காண்ட்ராக்ட் என பல பெயர்களில் கேட்பார்கள் என்றும் வெளிப்படையாக  கூறியுள்ளார்.