ஐஸ்வர்யா ராஜேஷின் 'பிளான் பி' இதுதான்
- IndiaGlitz, [Thursday,May 07 2020]
தமிழ் திரையுலகின் பிரபல நடிகைளில் ஒருவரான ஐஸ்வர்யா ராஜேஷ் நடிக்கும் அடுத்த படத்தின் டைட்டிலை விஜய் சேதுபதி அறிவிக்க உள்ளதாக வெளிவந்த செய்தியை கடந்த சில மணி நேரத்துக்கு முன்பாக பார்த்தோம். கடந்த சில நாட்களாக ‘பிளான் பி’ என்று விளம்பரம் செய்யப்பட்டு வந்த நிலையில் இந்த படத்தின் டைட்டிலுடன் கூடிய பர்ஸ்ட் லூக் போஸ்டர் தற்போது வெளிவந்துள்ளது. இந்த படத்திற்கு ’திட்டம் இரண்டு’ என்ற டைட்டில் வைக்கப்பட்டுள்ளது.
நாயகிக்கு முக்கியத்துவம் தரும் இந்த படத்தில் ஐஸ்வர்யா ராஜேஷ் முக்கிய வேடத்தில் நடிக்கவுள்ளார். விக்னேஷ் கார்த்திக் என்பவர் இந்த படத்தை இயக்க உள்ளார். கோகுல் பினாய் ஒளிப்பதிவில் சதீஷ் ரகுநாதன் இசையில் பிரேம் குமார் படத்தொகுப்பில் உருவாகும் இந்தப் படத்தை மினி ஸ்டுடியோ மற்றும் சிக்சர் என்டர்டைன்மென்ட் ஆகிய நிறுவனங்கள் இணைந்து தயாரித்து உள்ளன.
இந்த படத்தின் படப்பிடிப்பு கொரோனா பரபரப்பு முடிந்தவுடன் தொடங்கும் என்று எதிர்பார்க்கப்படுகிறது. இந்த படத்தின் பர்ஸ்ட் லுக் போஸ்டரில் துப்பாக்கி, லென்ஸ், மொபைல்போன், வாக்கிடாக்கி, கைரேகை போன்றவை இருப்பதால் இந்த படம் திகில், சஸ்பென்ஸ் கொண்ட கதையம்சம் கொண்ட படமாக இருக்கும் என்றும், ஐஸ்வர்யா ராஜேஷூக்கு ஒரு திருப்புமுனையை ஏற்படுத்தும் படமாக இருக்கும் என்றும் எதிர்பார்க்கப்படுகிறது.